Ayşe Surucu: Rayîrê vejîyayîşê kaosî peynîkerdişê tecrîdî yo 

2018-07-20 11:41:15


	 

	RIHA - Parlamentera Riha yê HDPyî Ayşe Surucu va peynîkerdişê tecrîdê serê Rayberê PKKî Abdullah Ocalanî do kaos zî meydan ra wedarno û seba çareserîyê probleman yewin muxatab Abdullah Ocalan o.

	 

	Rayberê PKKî Abdullah Ocalan 15ê Sibata 1999 ra heta nika Îmralî de binê tecrîdêke giran de yeno tepiştiş. 27ê Temmuza 2011an ra heta nika avûkatî nêeşkenê pêvînayîş bikerê û 5ê Nîsana 2015 ra zî heyetê Îmralî nêeşkenê pêvînayîş bikerê. Keyeyî zî tewr peyîn 11ê êlule 2016 de pêvînayîş kerd. Avûkata HDPî ya Rihayî Ayşe Surucu dîyar kerde ke tecrîdê ser Abdullah Ocalanî eynî wextî de tesîr serê Rojhelato Mîyanên kerdo.

	 

	'Tirkîya kaos de ya'

	 

	Ayşe da zanayîş ke Tirkîya de nika kaos ra wayîr bena û wina va: "Yewin rayîrê vejîyayîşê kaosî Îmralî ra derbaz beno. Pêrosesê muzakereyan Newroze 2013an de dest pêkerdib û  2015an de peynî bi.”

	 

	'Cinî hedef ameyî girewtiş'

	 

	Ayşe da zanayîş ke tecrîdê serê Abdullah Ocalanî zî tewr giran bîyo û qiseykerdişê xo wina dewam kerde: “Çîyê ke Tirkîya de virazênê verê çiman de yê. 150 hezar kesî ameyî îxrackerdiş û eynî wextî de cinî hedef ameyî girewtiş. Ajansê cinîyan ameyî padayîş. Qayûm tayînê şaredarîyan ameyî kerdiş."

	 

	Seba CTP vengdayîş

	 

	Ayşeye heto bîn ra da zanayîş ke CPT zî derheqê rewşa Abdullah Ocalanî de tu îzahat nêdayo û veng da her kesî ke wa reaksîyonê xo vera tecrîdî bimojnê ra û va muxatabê çareserî zî Abdullah Ocalan o.