
Şiwana cinî û heskerdoxa xozaye 

2018-07-20 10:21:12


	&nbsp;

	Ronîda Hacî&nbsp;

	&nbsp;

	TIL TEMIR &nbsp;-Cinîya kedkar û xozaheskerdox e Selwa Ehmed mîyanê hêgeyan de pesê xo çêrnena û şiwanîye kena. di nav zeviyan de pezê xwe diçêrîne û şivantiyê dike. Selwaye vana xoza çimeyê cinîyan tewr girîng o.&nbsp;

	&nbsp;

	Cinîya kedkar û xozaheskerdoxe Selwa Ehmede ke 35 serre ya û Koyê Kizwanan de ya arde ziwan ke cuya înan bi xoza girêdayeyo û bi kêfweşî karê şiwanî kena û wina debara xo kena.&nbsp;

	&nbsp;

	Selwa Ehmede da zanayîş ke mêrdeyê aye Lubnan de maneno û aye zî domana xo rê bena maye û pî û wina va: "3 domanê mi estê û mêrdeyê mi Lubnan de xebityeno. Ez zî domananê xo rê hem bena maye û hem zî bena pî. Ez xebityena ke domanê mi hewceyê kesî nêbê. Nêzdîyê 50 pesê ma estê û ma hêgayêke kîra kerd seba pesê xo ci de biçêrnê. Cayê ma goreyê çêrnayîşê pesî vuryeno. Nika ez dewa Tarûqî yê Til Temir de ya."

	&nbsp;

	'Cuya ma bi xoza ra girêdaye ya'

	&nbsp;

	Selwa da zanayîş ke cu û debara înan bi xoza dir girêdaye ya û wina dewam kerde: "Wexto ke varan vareno xoza bi bereket bena û geş bena. La wexto ke varan çinbo ma nêeşkenê pesê xo biçêrnê. Cuya ma bi xoza dir girêdaye ya. Mast, penêr, rûn, toraq heme bi xêrê pesê xo ma viraznenê û roşenê."

	&nbsp;

	'YPJ û YPG wayîr ro ma vejîyayî'

	&nbsp;

	Selwaye bale ante serê hêrişê çeteyê DAÎŞî yê serê Koyê Kizwanan û qiseykerdişê xo wina qedêna: "Wexto ke ma Koyê Kizwanan de bî ma seba çeteyê DAÎŞî nêeşkayne ke pesê xo biçêrnê. Sey ke ma hepisxane de bê. La dimayê ke YPG û YPJî Koyê Kizwanan çeteyan ra pak kerd ma azad bî. Dima ra ma eşkayne ke pesê xo biçêrnê."

	&nbsp;