'Fotografê dejin yê Pirsûsî nîno vîrîkerdiş' 

2018-07-19 15:16:33


	 

	STENBOL - Dr. Çagla Sevene Qetlîamê Pirsûsî de destê Gokçe Çetîne tepiştbî û fotografê aye ameybî antiş. Çaglaye dîyar kerde ke no fotograf vîrê heme kesan de yo û ci ra zaf hes kena û va: “Mi destê Gokçe tepişt û mi waşt ke aye sakîn bikera. Aye wext xeylê bi hîsin û dejin bî”

	 

	Heme cayanê Tirkîya ra 330 endamê Fedarasyonê Komelanê Ciwananê Sosyalîstan (SGDF), seba ke şerê Kobanê û paştî bidê Kobanêyijan, gedeyan rê mateyalanê kayê berê, yew parqê gedeyan virazê, yew kitabxane (pirtûkxane) saz bikê û fîdeyanê daristanê ronê, Pirsûs de kom bîyê. Seba ke meqsedê xo raya umûmîyê rê deklere bikî (bikerê), nê ciwanan Pirsûs de, bexçeyê Merkezê Kulturê Amara de yew beyanat da çapemenî. Hima no kombîyayîşê nê ciwanan  nêqedîyabi, mêyanê înan de, yew bomba teqya. Netîceyê hêrişî de 33 ciwanî merdbîy. Emser Serrgêra 4. ya Qetlîyamê Pirsûsî ya. 

	 

	Dr. Çagla Sevene Qetlîamê Pirsûsî de destê Gokçe Çetîne tepiştbî û fotografê aye ameybî antiş. No fotograf vîrê heme kesan de yo. Çaglaya ke Qetlîamê Pirsûsî ra sax filitîya dîyar kerde ke aye no fotografî ra zaf hes kena.

	 

	Xeylê qetlîamê winasî tarîtî de mendî

	 

	Dr. Çaglaye qiseyekerdişê xo de bale ante doza Qetlîamê Pirsûsî ser û wina va: “Qetlîamê Pirsûsî nîno vîrîkerdiş. Xeylê qetlîamê winasî binê tarîtî de mendî. La ma do heta peynî doza xo bipawî û biwazî. Xeylê kesê bêguney ameyî qetilkerdiş.”

	 

	Fotografê Pirsûsî nînê vîrîkerdiş

	 

	Çaglaye dewamê qiseykerdişê xo de qala qetlîamî kerde û wina domnaye: “Wextê qetlîamî de mi destê embaza xo tepişt û fotografê ma ame antiş. Fotografê Pirsûsî yê bi dejin nînê vîrîkerdiş. Ganî heme kesî seba Pirsûsî edalet biwazî. Dinya aver şona, la Tirkîya her ke şona apey şona. Ma rîyê roşn yê Tirkîya bî. Ma û embazê ma yê ke qetlîamî de cuya xo vînî kerdî aştî û asayî waştî. Kesê ke ma sey dişmen vînayî cîhadîstan reyde bîyî yew û welat kerdî gola gonîya ciwanan. Tîya de kesê ke mexdur bîyî tena şar o.”

	 

	Xeylê hetê cîya-cîyayî piştî dayî

	 

	Çaglaye qiseykerdişê xo yê peyênan de qala piştîdayîşê ke dîyayî înan kerde û wina qedênaye: “Xeylê hetê cîya-cîyayan ra piştî dîyayî ma û bi saya nê piştîyan ma lez ameyî xo ser. Kesê ke ma ra vatêne ‘terorîst’ komelî qeneh nêkerdî. Komel piştî da ma. Ma seba mateyalanê kayê berê domananê Kobanî arê bîyî."