Cinî do mabêne 1 û 3yê Tebaxe de do çalakîyan de bê 

2018-07-18 15:05:39


	 

	AMED - Platformê Têkoşînê seba Cinîyê ke Ameyê Destsergirewtiş, bernameyê xo yê derheqê 3ê Tebaxe Roja Qirkerdişê Cinîyan de eşkera kerdî.

	 

	Platformê Têkoşînê seba Cinîyê Ameyê Destsergirewtiş, bernameyê xo yê çalakîyê ke do seba 3yê Tebaxe Roja Qirkerdişê cinîyan organîze bikerê bi kombîyayîşêke Komeleyê Heqê Merdiman (ÎHD) yê Amedî viraştî eşkera kerdî. Kombîyayîş endamê platformî Parlamentera Partîya Demokratîke ya Şaran ê Êlihî Feleknas Ucaye û Endamê Tevgerê Cinîyê Azad (TJA) zî amade bî.

	 

	Îzahat hetê endama platformî ra Şukran Mizrake ra ame dayîş. Şukrane dîyar kerde ke 3yê Tebaxa 2017 de goreyê hûmara fermî 5 hezar Şengalijî hetê DAÎŞî ra ameyê qetilkerdiş û dima ra zî bernameyê xo yê çalakîyan ke do vera qirkerdişî organîze bikerê eşkera kerdî.

	 

	Bernameyê çalakîyê ke do mabêne 1 û 3yê Tebaxe de viraznê wina yo:

	 

	1ê Tebaxe: Do bi panel, semîner û pêşangeyê fotografan ke bêro mojnarayîş bale ancenê serê qirkerdişî.

	 

	2yê Tebaxe: Serê Twîtter de saete 20.00an de,  bi “#3ağustos” hastagî rojeve bêro awankerdiş.

	 

	3yê Tebaxe do saete 11.00an de çalakîyêke bêveng deqeyêke bêro viraştiş û dima ra zî do îzahat bêrodayîş.