Soma de cuya xo vinî kerdî nika zî dewa înan yena çinkerdiş 

2018-07-17 11:28:00


	 

	ÎZMÎR - Qirkerdişê Somayî de dewa Elmadera û Degirmencieli 11 kesan cuya xo vinî kerdê. Nika zî nê dewan de yeno waştiş ke termîk santral bêro awankerdiş. Bendê ke seba santralî ameyî awankerdiş nika de benê sebebê peynîbîyayîşê xeylê ganeyan.

	 

	Dewê Elmadere û Degirmencielî yê qezaya Kinikî ke 30 kilometre Îzmîr ra dûrîya şîrketê madenî yê bi nameyê 'Polyak Enez' bingeyê termîk santral awan keno û nika de ciwîyayîş tehdît keno. 

	 

	Wextê wezîfedarîyê Berat Albayrako ke o sey Wezîrê Çimeyê Tabîî bi seba sermayedaran 'modelê garantîyê girewtişî' ameyne xebitnayîş û karê sermeyadêrê ke cu tehdît kerdêne tewr asan bîne.

	 

	Bi polîtîkayê ramitişî dewijî ameyî pelçiqnayîş û macbûr mendî ke herra xo biroşê

	 

	Polyak Eneze zî bi piştdayîşê wezaretî sere de erdê Elmandere û Degirmencieli, peyîn de zî yê derûdorî girewt. Dewijêke nêwaşt nameyê xo vajo derheqê santralî de wina va: "Seba ke tûtinê ma pere nêkerd no semed ra koçê Kinikî kerd. Dewêke ra 12-14 xane koç kerdî. Nika erdê ma destê înan de yê. Wexto ke termîk santral biko falîyet do ne hewa ne awe û ne zî erdî bimanê. Verê ma şîne çirran ma maseyan girewtêne, beqî estbî. Nika veng çin o. Heta çend serrî ra dima dewe zî nêmanena."