Yê warê îstîhdamî de nînê vînayîş: Cinîyê karker! 

2018-07-16 11:19:20


	 

	STENBOL -  Akademîsyen Asli Odmane derheqê cînayetê kar de şîrove kerde û dîyar kerde ke îstîhdamê cinîyan de xebatê teberê qeydî babeta vatişî ya û sebebê nê zî cinî sektor û cayê dîyarkerde yenê xebitnayîş.

	 

	Goreyê dayeyê Meclîsê Asayîşê Kar û Weşîya Karkeren (ÎSÎG) 28ê Kanûna 2017 ra û dima 2 hezar karkerî wextê karî de cuya xo vinî kerdê. Endama ÎSÎGî Asli Odmane derheqê cuya xebate de û îhlalkerdişê heqan de şîrove kerde û va ê bi hûmartişê kesê cuya xo vinî kerdê xo resnayê dayeyan.

	 

	Nêweşîyê meslekî nînê vînayîş

	 

	Asli arde ziwan ke cuya xebate de nêweşîyê meslekî, kiştişê karî nînê vînayîş û wina va: "Verê nê de yê ke zaf tay yenê vînayîş zî cinî yê. Tena kesê xebata înan ameyê tescîlkerdiş, merdişê înan yeno vînayîş. Heta nika 2 hezar karkerî sera 10 û serra vîyarte zî sera 6 cinîyê karker cuya xo vinî kerdê.

	 

	Karkerê ramitişî teberê qeydî yê

	  

	Asli dewam de bale ante serê problemê cinîyê karkerê mewsîmî û arde ziwan ke karkerê ramitişî yê cuya xo vinî kerdê nêgînê binê qeydan. Asli qiseykerdişê xo wina dewam kerde: "Dayeyê cinîyê warê weşîye de xebityenê sera 55-60 ê. Nê sektoran de zî cinî sewîyeya kêm de xebityenê. Zafê xo hemşîre, teknîker û karkerê pakîtî yê. Nê cinî wextê demî de seba radyasyonî bi nêweşîyan konê."

	 

	'Cuya xebate de cinî nînê vînayîş'

	 

	Asli heto bîn ra derheqê îstîshdamê cinîyan de şîrove kerde û va sera 30 cinî yenê îstîhdamkerdiş û va înan tena sera 3ê cinîyê ke xebityenê tespît kerdê û na rewşe zî esasê xo de nêvînayîşê cinîyan ê cuya kar de mojneno ra.