Qorîcîyan adir eşt Koyê Cûdî 

2018-07-14 13:48:36


	 

	ŞIRNEX - 3 rojî verê hetê qorîcîyan ra adir bi Koyê Cûdî yê Silopiya ame vistiş. Destûr nîno dayîş ke ayê mudaxeleyî adirî bêro kerdiş. 

	 

	Bi ameyîşê hamnanî dir hema vajê her roje adir bi daristanê Kurdistanî kono. 3 roj verê hetê qorîcîyan ra adir bi Koyê Cûdî yê bajarokê Gorumluyê Silopiya ame vistiş. Destûr nîno dayîş ke mudaxeleyê adirî bêro kerdiş. Ame zanayîş ke xeylê wareyê daristanan ameyê veşnayîş.

	 

	Dûman merkezê qeza ra asayeno

	 

	Ame zanayîş ke cayê nuktayê qorîcîyan ke zêdeyê, adir hetê qorîcîyan ra ameyo wekerdiş û qereqole zî destûr nêdana ke kesêk adir bitefno. Dûmanê adirî ke bi rpjano dewam keno merkezê qeza de asayeno.