'Dayeyê betalîyê cinîyan zêde beno' 

2018-07-13 12:38:43


	 

	Habibe Eren

	 

	ENQERE - ‘Çareserîyê bi sêhr’ yê hukmatî seba warê îstîhdamî zêde bikero pêşnîyar kerd, hetê Prof Dr. Gulay Tokoz ra amî şîrovekerdiş û Gulaye  dîyar kerde ke dayeyê betalîyê cinîyan tewr zêde bîyo û mabêne dayeyê betalîyê camêrdan de zaf mabên virazyayo.

	 

	Unîversîteya Enqereyî Endama Perwerdekarîya Fakulteya Zanistê Sîyasî Prof Dr. Gulay Tokoze derheqê îqtîdarê AKPî de cinîyan senîn hêzê karî de ca girewtê û warê îstîhdamê cinîyan de zî şîrove kerde.

	 

	Gulaye da zanayîş ke dayeyê betalîyê cinîyan her wext camêrdan ra tewr zêde bîyo û cîyayê mabêne betalîyê cinî û camêrdan de xeylê zêde yo. Gulaye wina va: "Xeylê sebebê na rewşe estê. Zîhnîyetê serdest yê camêrdan warê karî seba cinî û camêrdan têduşt nêvînena. Eynî rewşe sîstemê perwerdeyî de zî esto. Cinîyê perwerdeyê berz wendê, wazenê goreyê beşê xo perwerde bigîrê û warê nê meslekan de zî dayeyê betalî tewr zêde yo.

	 

	Gulaye dayeyê TUÎKî yê 2017an yê derheqê betalîyê beşê unîversîte de zî şîrove kerde û da zanayîş ke 2017an de betalîyê mezunê unîversîteyî sera 12.7 bîyo û warê hunerî de yê perwerde vînayê sera 21 warê muhendîsî de zî sera 9 bîyo.

	 

	'Sera 79 teberê qeydî yê'

	 

	Gulaye bale ante serê çareserîyê bi sêhr ê hukmatî  pêşnîyar kerdo û da zanayîş ke meslekê xebatê yê hukmetî pêşnîyar kerdê karê bêasayîş ê û feydeyê înan çin o.