'Heme têkoşînî mîyanê yewbînan de yê' 

2018-07-11 14:40:13


	 

	STENBOL - Sezen Ozkana ke vera texrîbatê ekolojî ke bi sîstemê serekeyî dir tewr zêde bibo veng da û wina va: "Heme têkoşînî mîyanê yewbînan de yê. Erjê cayêke azadîya cinîyan yê kuçeyan ra xoser nîyo." 

	 

	Ferasetê zîhniyetê serdest yê camêrdan ke cinî, xoza, doman û her kesê ke xo ra cîya vîneno, heme dinya de rayîrê rijnayîşî akeno. Tirkîya ke îdareyî ‘yew kesî’ awan kena do rijnayîşî tewr pîl xo dir bîyara. Pawitoxa xoza û bajar, wendekara Muhendîsa Derûdorî Sezen Ozkane dîyar kerde ke polîtîkayê texrîbatî serê ekolojî yenê meşnayîş, serê cinîyan, komel û cuya komelî zî yena meşnayîş. Sezene da zanayîş ke bi sîstemê serekî dir do rijnayîşêke pîl dest pêbikero û wina va: "Vakurê Stenbolî bi 3in projeyê Teyareyî û Projeyê Kanal Stenbolî dir do texrîbat tewr zêde bikero. La ma do fek têkoşîn ra vera nêdê.”

	 

	'Baxçeyê Botanîk dewrê dîyanetî ame kerdiş'

	 

	Sezene da zanayîş ke yew bandura tewr pîl texrîbatî îslamo siyasî yo û wina va: "Baxçeyê Botanîk ê Alfred Heîlbronn dewrê Miftitîyê Stenbolî ame kerdiş. Nebatê baxçe do bêrê tahliyekerdiş. Nê bandurê ewil yê vera têkoşînê ekolojî yê."

	 

	Sezene da zanayîş ke baxçeyê Botanî 5 hezarî ra tewr zêde tewirê nebatan estê û wedartişê daran zî mimkin nîyo.

	 

	Sezene tewr peyîn qiseykerdişê xo de va vera texrîbatê ekolojî ganî alternatîf bêrê awankerdiş û va: "Ganî ma nuktayêke çareserkerdişê probleman rê topyekun bivînê.”