'Wexto ke ez bêrîya dewa xo kena şona verê pesî' 

2018-07-11 13:36:49


	 

	Hîlal Rizgar -Xurbet Tallî

	 

	MEXMÛR - Wargehê Şehîd Rûstem Cûdî  (Mexmûr) maya bi nameyê Xelfiye Tunça ke debara keyeyê xo bi pesûdewarkarî kena û koçber a û zor û zehmetîyê ke cuyaya û bêrîkerdişê xo qalî kerde.

	 

	Wargehê Şehîd Rûstem Cudî (Mexmûr) de maya bi nameyê Xelfiye Tunça ke wargeh de cuyena, seba debara keyeyê xo pesûdewarkarî kena û bêrîvan a. Xelfîye girêdayîşê xo yê bi pesûdewarkarî dir wina vana: "Wexto ke berîya dewa ke ez ci ra maya xo ra bîya bikera, ez şona verê pesî. Seba ke ma dewe xo de zî pesûdewarkarî kerdêne û wexto ke ez şona heme vîardişê mi yenê vîrê mi."

	 

	Xelfiye Tunça ke vakurê Kurdistanî ra ya û serrê 1990 de seba zulm û tedayê dewlete nika wargehê Multecîyan ê Rustem Cudî (Mexmûr) de multecî ya wina qalê cuya xo kena: "Heskerdişê mi ya pesûdewarkarî û bêrîvvanî domanî ya mi ra yena. Wexto ke ez domane bîya Vakur de zî keyeyê mi bi pesûdewarkarî dir eleqedar bîne. Ez pî û maya xo dir şîne verê heywanan, her dem bi coşêke pîl ma dest bi karê xo yê pesî kerdêne û ma wey kerdêne. Dewa ma ya bi nameyê Mijin bi weşikbîyayîşê xo ya tebîî û hewa ya xo bi name û veng bî. Serra 1994 de dewa ra koçber bî, ma verê xo de xeylê waran. La tewr peyîn ma Wargehê Şehîd  Rûstem Cûdî bi ca bî. Heta ma cuyake merdim bieşko biciwîyo da awankerdiş, ma zaf zor û zehmetî ant."

	 

	Bêrîvanî her wext seba mi bî moralêke

	 

	Xelfiye Tunçe dewamîyê qiseykerdişê xo de kêfweşîya ke karê xo ra gêna pare kerde û va: "Wexto ke ez dest bi karê xo kena bi kêfweşîyêke zaf pîl, bi karê xo eleqedar bena. Wexto ke zerrîya mi bena teng ez verê xo dana verê pesî. Her ke ez şona verê pesî, vîrardişê ke ez dewe de cuyaya yenê verê çimanê mi. Seba ke ez debara xo bikerî û domannaê xo pîl bikerê, şitê ke ez ana kena mast, penêr, lorik, duhn, viraznena. Ez qetî karê ke maya mi musna ez xo vîr ra nêkena û her wext ci wayîr vejîyena. Seba ke ma dewe xo de hem pesûdewarkarî û hem zî ramitiş kerdêne. Ez nê karan keyeyê xo ra musaya.

	 

	Kulturê Kurdî kulturêke zerdîn o

	 

	Xelfiye tewr peyîn qiseykerdişê xo de veng da heme dayîk û kênayê ciwan kerde û wina va: "Ganî ma her wext wayîrê kulturê xo vejîyê. Heta ke destê mi ra bêro ez do no karî dewam bikerî."