'Peynîya dagirkerdişî do bêro' 

2018-07-10 13:27:59


	 

	
		Lîlav Elî- Cudî Zêno 
	
		 
	
		ŞEHBA - Cinîyê mintiqaya Efrînî ke Kantonê Şehbayî de bi ca bîyê, dîyar kerdî ke xoverdayîşê şarî qonaxê diyîn de dewam keno û vatî ke peynîya dagirkerdişî do bêro.
	
		 
	
		Cinîyê mintiqaya Efrînî ke Kantonê Şehbayî de bi ca bîyê, derheqê xoverdayîşê şarî qonaxê diyîn de ardî ziwan ke ê do têkoşînê xo dewam bikerê û vatî ke do hêzê şarî Kurdî bi ser biko.
	
		 
	
		Cinîya bi nameyê Ronhî Reşîde dîyar kerde ke amancê hêrişê Efrînî o bi ke destkewtişê şarê Kurdî çin bikerê û wina va: "Erdogan raste rast destkewtişê şarê Kurdî hedef girewt û waşt ke şarê Kurdî çin bikero. La şarê Kurd qetî çin nêbeno. Xoverdayîş dewam keno û ma zanê ke do peynîya dagirkerdişî bêro."
	
		 
	
		'Do Efrîn zulmê dagirkeran ra xelas bibo'
	
		 
	
		Leyla Hemdî dîyar kerde ke nika Efrîn de zulm ro şaram yeno kerdiş û va: "Nika Efrîn de sîstemêke yewperest veta şaran yeno meşnayîş. Taybetî zî zulm ro cinîyan kenê. Yê ke vatî ma do demokrasî Efrîn de vila bikerê nika zulm şarê Efrînî kenê. Bi bawerî û hêzê şerwanê azadî ma hêvî kenê ke do Efrîn dagirkerdoxan ra xelas bibo û ma do reyna ageyrê Efrîn."
	
		 
	
		'Do merdimayî serkewte bibo'
	
		 
	
		Xaliya Henane da zanayîş ke ê reyna wazenê ageyrê serê herra xo û va: "Ma hêvî kenê ke no zulm û nêheqî ke vera çimê dinya de yeno kerdiş peynî bibo. Ma bawer kenê ke do merdimayî serkewte bibo û dagirkerdiş peynî bibo û bi hêz û îradeyê xo yê xurt ma do reyna Efrîn bixelesnê."