'AKP hesasîyetê komelî ra feyde gêno' 

2018-07-10 12:50:18


	 

	ÎZMÎR - Cinîyan reaksîyon vera ‘daleqnayîşê' yê îstîsmarê domanan ameyo rojeve mojnayî ra û vatî wina çareserî nîyo û AKP zî hesasîyetê komelî ra feyde gêno û qanûnanê xo vejeno.

	 

	Cinîya bi nameyê Muzeyyen Alpşene dîyar kerde ke hêriş û şîdetê vera cinîyan û domanan her wext hetê dewlete ra nêameyo vînayîş û wina va: "Xêrê têkoşînê tevgerî, cinîyan komelî de zî vengê xo berz kerdo. Îstîsmarê domanan vernê de weqfan de dest pêkerd. Vatî ‘bi reyke çîyêk nêbeno', ‘Înan zî waşto'. Dewlete ser de nêşî. Vera ci nimnayî."

	 

	'Qanûnê xo vejênê'

	 

	Cinîya bi nameyê Sarya Toprake zî arde ziwan ke persê seba îstîsmarê domanan dayê meclîs, la hetê AKPyî ra ameyo redkerdiş û pêwa nê zî babeta şîdetê vera domanan de hesasîyetê merdiman ameyê xebitnayîş û va hêrişê zayendî de xesênayîş ya zî daleqnayîş çare nîyo. Sarya wina dewam kerde: "Bi polîtîkayê baş eşkenê vernî ci bigîrê. Ganî qanûnê baş bibê. Rojeve vurnenê û reaksîyonê merdiman pawenê. No ser wazenê qanûnanê xo vejê."

	 

	Yagmur Damla zî îstîsmarê zayendî yê Weqfê Ensar û îstîsmar û qetilkirkerdişê heywanan arde vîr û va kulturêke tecawizî serdest o û va ganî vernê de sîstemê perwerdeyî bêro vurnayîş. Zeynep Guzele zî arde ziwan ke rojeve serê hesasîyetê merdiman yena vurnayîş û va: "Seba domanan wezaretêke domanan lazim o. Daleqnayîş qetî çare nîyo. Wexto ke qanûnê daleqnayîşî estbî zî tacîz û tecawiz ameyne cuyayîş. Wazenê daleqnayîş seba roşnvîr, rojnameger, parlamenteran bi ca bîyarê."