'Ma do seba xelisnayîşê Efrînî xoverdayîşê xo dewam bikerê' 

2018-07-09 14:43:54


	 

	Lîlav Elî Tolîn Muhemed

	 

	ŞEHBA - Cinîyê mintiqaya Efrînî yê ke kampa xoverdayîşê kantono Şehba de bi ca bîyê û têkoşînê xo dewam kenê wina vatî: "Ma pêwa heme zor û zehmetîyê cu, xoverdayîşê xo pêl bi pêl dewam kenê. Ma do rojêke qetî ageyrê serê herra xo. Semedo ke bawerîya ma bi şerwananê ma yê azadî esta."

	 

	Çarçeweya babeta xoverdayîşê şarê Efrînî de Kampa xoverdayîşê cinîyan ewnîyayîşê xo ardî ziwan. Cinîya bi nameyê Naziliyê Mohemda ke qisey kerde û va : "Dewleta tirkî û hemkarê aye bi hovîtîyê ke kerdî Efrîn de bi se hezaran kes dayî koçberkerdiş û bî sebeb ke şar cuya xo binê çadiran de dewam bikero. La reyna pêwa heme zehmetîyan û astengîyê cu seba ke ma reyke bîn ageyrê Efrîn ma do vera heme zahmetîyan têkoşîn bikerê."

	 

	'Caardişê Tirkîya merdimayî derbaz kerdê'

	 

	Cinîya bi nameyê Firyel Cimo zî reaksîyon vera dagirkerdişê Efrînî mojna ra û wina va: "Erdogan û komê ey bi hêrişanê xo nêeşkenê îradeyê Şarê Kurdî bişiknê. Semedo ke Şarê Kurd îradeyê xo fikr û felsefeyê Rayber Apo ra gêno. Ma qebul nêkenê ke ma binê dagirkerdişê dewleta tirkî de bicuyê. Ma sey dayîk seba xelisnayîşê Efrînî ma do xo bikerê top  û mîyanê çeteyan de biteqnê. Vengdayîşê mi seba heme Dewletê mîyannetewî rê esto ke êdî bêvengîyê xo peynî bikerê û seba caardişê dewleta tirkî yê serê Efrînî merdimayî derbaz kerda."

	 

	'Ma do bi têkoşînê xo ageyrê Efrîn'

	 

	Cinîya bi nameyê Zehira Salêh Ebdî zî reaksîyon vera dagirkerdişê Efrînî da û wina va: "Tekoşînê şarê Efrînî ke Şehba de danê meşnayîş do xelisnayîşê Efrînî xo dir bîyaro. Planê ke dewleta tirkî û hemkarê ci serê şarê Kurdî de viraznenê, do veng bêrê vetiş. Semedo ke qetî bi zuran Mêrdînî bi ser nêkewtê. Ma do bi hêzê xo û hêzê şerwananê xo wextêke nêz de ageyrê Efrîn."