Cinîyê tewqîfkerdan ra seba domana tewqîfkerdî vengdayîşê hîsgêrî 

2018-07-09 12:19:57


	 

	
		DENÎZLÎ - Cinîyê hepsî, seba domana hepsî Zeynep Temela ke derheqê aye de nêzdîyê 40 zabitname girewtê û 6 aşman cezaya dîsîplînî esta vengdayîşê hîsgêrî kerdî.
	
		 
	
		Cinîyê hepsî yê hepisxaneyê Kurdistan û Tirkîya de seba domana ke ceza girewta bi nameyê Zeynep Temela ke hepisxaneyê Tîpê T yê Denîzlî de manena vengdayîşê hîsgêrî kerdî. Cinîyê hepsî dayî zanayîş ke Zeynebe her rey bi surgun û sewqê kêfî, heta nika surgunê 3 hepisxaneyê cîya ameya kerdiş û dîyar kerdî ke derheqê aye de heta nika 40 zabitname ameyê girewtiş û 6 aşmî cezaya dîsîplînî dayê û na rey zî surgunê hepisxaneyê Tîpa T yê Denîzlî kerdê.
	
		 
	
		Nameyê ke cinîyê hepsî eşrawitê ajansê ma wina ame vatiş: "Zeynep Temele domanêke hepsî ya û ceza girewta. Hepisxaneyê Tîpê E yê Mêrdînî ra surgunê Hepisxaneyê Domanan ê Hatayî ameya kerdiş. Uca de di hewte mende. Yê ke binê emrê 18yî de yê û yê ke ceza girewtê zî surgunê keyeyê perwerde yê domanan ê nîm akerde kenê. No semed ra surgunê Keyeyê Perwerde yê Domanan ê Bozkurtî yê Hatayî kerdî.
	
		 
	
		Derheqê Zeynebe de seba hûmartişê serê lingan red kerda nêzdîyê 40 zabitname ameyê girewtiş û 6 aşmî cezaya cezaya dîsîplînî dayê. Dimayê nê cezayan nika zî surgunê Sazgehê Înfazî yê Cezaya Girewtî ê Tîpa T yê Kocabaşê Denîzlî ameya kerdiş. Hepisxane de tena hîrê hepsîyê cinî estê. Sewqê ke nusnenê zî red kenê. Koxuşe de di kamera estê. Zeynebe nika bi di embazê cinî yê bi nameyê Sîbel û Fatma dir manena. Eke wina dewam bikero do dest bi grevê vêşanî bikerê. Semedo ke dûrîyê keyeyî nêeşkenê şêrê pêvînayîşê înan. Xeylê reyan hewl dayê ke biresnê çapemenî la îdareyî dest dayê ser mektuban. Ma wazenê na babete de çîyê lazim bêrê kerdiş."