'Daliqnayîş û xesênîyayîş metodê îşkence yê' 

2018-07-08 13:10:51


	 

	AMED - Avûkat Umît Asye Demîre dîyar kerde ke kastrasyonê zayendî, xesênîyayîş ya zî daliqnayîş do hedîseyê îstîsmarê domanan zêde bikero û wina va: "Seba ke welatê cezayê daliqnayîş û xesênayîş yenê kerdiş dayeyê hedîseyê îstîsmar û tacîzî goreyê Tirkîya tewr zêde yo. Heto bîn ra daleqnayîş û xesênayîş eynî wextî de metodêke îşkence yê.”

	 

	Sekretera Pêroyî ya Merkezê Heqê Domanan ê Baroya Amedî Umît Asye Demîre derheqê îzahatê ‘kostrasyona zayendî’ yê hukmatî de şîrove kerde û va derheqê hedîseyê ke yenê ciwîyayîş de ganî tedbîrê hîra bêrê girewtiş.

	 

	Asyaye da zanayîş ke seba vernî xetereyê îstîsmaro zayendî yê vera domanê bêrê tepiştiş bi ICC (Merkezê domanan ê mîyananeteweyî), ÇAÇAV (Torra Avûkatê ke warê Domanan de Xebityenê) û bi xeylê sazgehê bîn dir xebatê hempar meşnenê û bernameyan viraznenê û derheqê babete de xeylê projeyê ke bi ca bîyarê amade kerdê. Asye wina va: "Kampanya û projeyê ma yê ma bi ICC û ÇAÇAVî dir dayê destpêkerdiş estê. Seba xetêke telefonî bêro awankerdiş xebat ameyî meşnayîş. Bi na xete lazimî înan bibê eşkenê xo biresnê merciyê lazim. Projeyêke ‘xeta domanan’ eşkenê vernîya îstîsmarê domanan bigîro."

	 

	Tirkîya de her serre 20 hezar domanî vindî benê

	 

	Asye wina va: "ICCî 2017an de derheqê domanê vindîbîyayê Tirkîye de raporêke weşênay û na gore her serre Tirkîya de 20 hezar domanî vindî benê. Tena hedîseyê çapemenî de yenê weşnayîş yenê vînayîş. Tirkîya de her roj domanî vindî benê. Hetê ke ma xemgîn keno zî îstîsmarê domanan o."

	 

	'Sucdar î xo bi otorîte bîyaye kenê'

	 

	 Asye da zanayîş ke berpirsîyar û sûcdarê hedîseyê şîdet, îşkence û îstîsmaro ke yeno ciwîyayîş zî xo bi nê otorîteyî bîyaye kenê û va berardişê zîhniyetê otorîter o.

	 

	Asye tewir peyîn qiseykerdişê xo de bale ante serê îzahatê kastrasyonê zayendî û wina va: "Daleqnayîş û xesênayîş eşkenê bibê sebebê zêdebîyayîşê hedîseyan. Seba welatê ke cezayê daleqnayîşî û xesênayîşî virazênê dayeyê hedîseyê îstîsmar û tacîzî goreyê Tirkîya tewr zêde yê. Eynî wextî de daleqnayîş û xesênayîş metodêke îşkence yê."