'Ganî heqê domanan nêro îhlalkerdiş'

2018-07-07 15:30:30


	 

	Sorgul Şêxo

	 

	TIL TEMIR - Verfeka Rêxistinê Kongreya Star Gulîxan Tahire îstismaro zayendîyê serê domanan ke Tirkîya de her ke şino zêde beno şîrove kerde û va: "Ganî heqê domanan bêro pawitiş nêro îhlalkerdiş."

	 

	Tarîxê Tirkîya de her wext hedîseyê îstismaro vera domanan, qetilkerdiş, tecawizkerdiş tekrar bîyo û bi taybet zî serrê peyîn de na hûmare tewr zêde bîyê. Hedîseyê tewr peyîn yê derheqê qetilkerdişê domanan de bi sebebê mojnayîşê reaksîyonê şîdetîn. Verfeka Rêxistinê Kongreya Star Gulîxan Tahir têkildarê qetilkerdişê domanan bi nameyê Leyla Aydemîra ke Agirî de merdî amî dîyayîş, dîyar kerde ke îhlalkerdişê heqê merdiman sucê merdimayî yo û va ke ganî vera kir îstismaro zayendî yê domanan tedbîrê pîl bêro girewtiş.

	 

	Gulîxan Tahîre ard ziwan ke Tirkîya de bi hezaran domanî bi hêrîş û şîdetê îstismaro zayendî rî bi rî manenê û va: "Tirkîya de xeylê hedîseyê îşkence, şîdet û îstîsmaro vera domanan yenê ciwîyayîş û vera nê tedbîrê girîng nînê girewtiş. Domanê sey Leyla û Eylule wisarê emrê xo yê qij de yenê qetilkerdiş. No zî seba komelêke aram û azad xeterî yo. No tena rijnayîşê bingeyê komelî xo dir ano. Çunke domanî bingeyê komelê esasî yê."

	 

	'Ganî domanî bêrê perwerdekerdiş'

	 

	Gulîxane da zanayîş ke seba îstismaro zayendî bi peynî bibê perwerdeyê cinî û domanan zî girîng o û wina dewam kerd: "Seba Tirkîya sîstemê perwerdeyî rast nîyo û demokrasî kêm o no semed ra teda, hêriş, qirkerdiş û îstismaro zayendî yê vera domanan her ke şino zêde beno. Ganî cinî û domanî bêrê perwerdekerdiş û seba rayîr demokrasî rê abibo sîstemê Tirkîya yew perest bêro vurnayîş. Qelsbîyayîşê demokrasî û zihnîyetê yewperest beno sebebê be sedema zêdebîyayîşê şîdet, hêriş û îstismaro zayendî yê serê domanan."

	 

	'Vera sîstemê yewperest têkoşîn şert o'

	 

	Gulîxane da zanayîş ke ganî vera sîstemê yewperest têkoşîn dewam bikero û wina va: "Ganî rêxistinê heqê merdiman seferber bibê û vera îstismaro zayendî yê serê domanan vinderê ke domanî emrê xo yê qij de nêbê qurbanê zihnîyetê lêşîn û tena berjewendiyê xo xebityenê. Girîng o yo ke heme dinya seba heqê domanan wirzê serê lingan û vengê xo berz bikerê"