'Cinî pawitoxê kultur û tarîxî ya' 

2018-07-03 15:44:12


	 

	Sorgul Şêxo

	 

	TIL TEMIR - Cinîyê Kurdî kulturê xo vindîbîyayîş ra pawenê. Ê cinîyan ra ke kulturê xo pawenê yew ci ra Nahîde Dabana ke heta nika destare xebitnena ya. Nahîde wina vana: "Temamê tarîxî de yê ke tewr zêde kulturê xo pawitê û ro wayîr vejîyayê cinî yê û ganî ewro ra zî kulturê xo nêpawê."

	 

	Sey her ca Rojawanê Kurdistanî de tarîx û heta nika cinî pawitişê hacetê tarîxî yê sey destare kenê ke, destare kulturo tewr kan a ke cinîyan heta roja ewro pawit a. Her çiqas hacetê averbîyaye zî vejîyê la cinî her wext bi amancê ke nê kulturê xo nêpawê, nîsk,genim û sewbînî lazimê înan pê estbo bi destar tehnenê.

	 

	Nehîde Dabana 45 serrî ke bi eslê xo bajarê Kobanî ra ya Tiltemrî yê mintiqaya Cizere de heta no wextî zî destar xebitnaya û sebebê bi xebitnayîşê xo wina va: "Cinî wayîrê kulturê cinîyê awankerdoxî yê tarîxî kan vejênê û no kulturo awankerdox yê tarîxê kan vejênê û no kulturo heta rojo ewro ardê. Cinîyê kurdî heta sewîyeya peyîn kulturê xo wayîr vejîyayê û destar zî kulturêke înan o."

	 

	'Ez nêwazena ke no kultur meydan ra bêro wedartiş'

	 

	Nehîde amancê xo yê xebitnayîşê destarî wina vana: "Destar xwoza û çîyo ke tu ci biewnê tebîîyê xo vindî nêkeno. Nika wextê tehnayîşê nîsk û genimî yo ez nîskê xo bi destar tehnena. Semedo ke tehmêke cîya dano merdiman û heta roja ewro bi ked û pawitişê mayanê ma heta roja ewro ameya. Ez nêwazena no kultur meydan ra bêro wedartiş.

	 

	Kulturo kan komînal o

	 

	Nahîde veng da heme cinîyan ke kulturê xo rê wayîr vejîyê û qiseykerdişê xo wina qedêna: "Ganî cinî wayîr kulturê xo vejîyê û bi  taybet zî kulturê cinîyê awankerdoxî ke ame rojo ewro û berardişê înan ra feyde gênê. Kulturê cinîyê awankerdoxan de cuyake komînal zî esta. Wexto ke cinî seba karê tehnayîşî dorê destar û çî bîn hacetê tarîxî kom benê kulturê klam vatişî zî vejênê meydan. Cinîyê ke dorê destarî kom benê ahengê vengê destarî ke vejêna meydan kilaman zî vanê û kulturê kilamvatişî aver benê."