Tulay: Ganî têkoşîn tena parlamentoyî de sînor nêmano 

2018-07-03 13:23:42


	 

	ENQERE - Parlamentera HDPî Edeneyî Tulay Hatîmogullari dîyar kerde ke ganî têkoşîn tena bi parlamentoyî sînor nêmano  û wina va: “Ma ewro kewtê parlamento ganî ma vera faşîzmî her ca de têkoşîn bikerê.”

	 

	Tulay Hatîmogullari ke HDPyije Edene de sey parlamenter amî weçînayîş, prosesê weçînayîşî şîrove kerde û va 24ê Hezîrane de vera demokrasî raydayîşê dîktatorî ameyo kerdiş. Tulaye da zanayîş ke hetê sîyasetê Tirkîya de çîyo ke ganî ma 24ê Hezîrane vejê o yo ke vera dîktatorîyê faşîst têkoşîn bikerê.

	 

	'Temsîlkarîyê şarî babeta vatişî yo'

	 

	Tulaye da zanayîş ke lîsteyê HDPyî zaf rengîn bîyo û Kurd, Ereb,Ermenî û şarê bîn, temsîlkarîyê cinî û ciwanan zî babeta vatişî yo û va ê partîyêke hetê temsîlkarîyê cinîyan ê. Tulaye dewamî de wina va: "Pêwa heme tedayan tabloyê ke zaf serkewte bi. Goreyê dayeyê fermî tewr zêde rayî bî. Ma bi nê bawer ê bi rastî zî dayeyê rayanê fermî tewr zêde yo. No weçînayîş binê sîya OHALî de virazya û xîle zî ameyî kerdiş.

	 

	‘Heme sermeyagozarî beton o’

	 

	Tulaye da zanayîş ke sebebê ke AKP-MHP berdê weçînayîşî zî krîzê ekonomî bîyo û va heta dest polîtîkayê bîyaye vera nêdê do krîz kûr bibo û va heme sermeyagozerîyê AKPî seba betonî ameyo kerdiş. Tulaye wina va: "Seba polîtîkayê ekonomî yê şaş betalî zêde bîyo. Wexto ke merdim Çukurova ewnîyeno, heme erd î îmar rê ameyî akerdiş û ramitişî darbeyê pîl werdê. Fonê teşwîqî danê cayê bîn.  Sanayîwan şîyê cayê bîn. Ganî ma bilezgînî derbazê ekonomîya xo sepernenê berardişî bibê."

	 

	Tulaye tewr peyîn qiseykerdişê xo de bale ante serê tehdîdê wezîrê karê zerreyîn vera hemsereka HDPyî Pervîn Buldane û va o tehdîd bi tu hawa nîno qebûlkerdiş û na yena manaya ke sîyaset bi metodê aştîyane nêmeşna.