Hemwelatîyê Şemika nêverdayî ke makîne bikoyê hêgayê înan

2018-07-02 14:27:04


	 

	 

	MÊRDÎN – Dewa Şemika ya Şemrexî de bi serran o serê hêgayê dewijan de xebata fosfatî yenê kerdiş. Dewijî hemverê nê nêrazîbîyayîşî xo anê ziwan û makîneyê kar ke waştî dest bi kar bikerê dewijan vernîya înan girewt.

	 

	Dewa Şemika ya Şemrexî yê Mêrdînî serra 2011 ra Şîrketê Cigêrayîşî Sifir yê Etî ke girêdayê Holdîngê Cengîzî yo wazenê serê hêgayê dewijan de fosfoat û gubre vejê. No siba reyna makîneyê karî waştî dest bi kar bikerê, la dewijan vernîya makîneyê kar girewtî û dest bi çalakîya roniştişî kerdî.

	 

	Dimayê ke dewijan dest bi çalakî kerdî, selahîyetdarê şîrketî veng dayî leşkeran. Leşkerî bi wesayîtê zirxî ameyî dewe û dekewtiş û vejîyayîşê dewe girewtî. Vindertişê hemwelatîyan û leşkeran vera yewbînan dewam keno.

	 

	Hemwelatîyan da zanayîş ke şirket nêzdîyê AKPî yo û seba berjewendîyê xo dewa înan de talan virazneno. Hemwelatîyan da zanayîş ke wazenê dewe înan veng bikerê û ê zî hemverê nê vejîyenê.