'Şaredarî do wayîrê xo rê ageyrê' 

2018-07-02 13:23:32


	 

	ÊLIH - Hemşaredara Balpinarî Gulîstan Erdînçe dîyar kerde ke bi qayûman her çîyê derheqê cinîyan de ameyê tasfîyekerdiş û va şaredarî aidê şarî yê û do ageyrê wayîrê xo. Eynî wextî de da zanayîş ke do derheqê probleman de mekanîzmayan aver berê.

	 

	Gulîstane cinîyêke emrê qij de ameya zewicnayîş. 5 domanê aye estê û bi zehmetîyêke girs înan pîl kerdê. Gulîstane dîyar kena ke aye 28 serre ya xo de seba piştdayîş bida xebatê cinîyan TJAyî de xo rêxistin kerda û va dima ra beşdarê xebatê partî bîya.

	 

	Gulîstane arde ziwan ke her tewir xebatê cinîyan meşnaya, bi bawerîya ke probleman çareser bikera têgeyraya û va demêke zî serekîya baskê cinîyan ê HDPî kerda. Gulîstane wina dewam kerde: "Wexto ke mi HDPî de têkoşînê cinîyan dayne, eynî wextî de partîya ma bî partîya cinîyan. No ser cinî her wext ameyî û ma probleman munaqeşe kerdêne. Ma zî probleman goşdarî kerdêne û girîngîyê têkoşînî fam kerdêne."

	 

	'AKPyî bingeyê feodalî gane kerd'

	  

	Gulîstane ke weçînayîşê 2014an de hemşaredara Balpinarî bîya û heta qayûm yeno xebata xo meşnaya. Dima ra meclîsê cinîyan de wezîfe gêna û dimayê ke qayûm ame şaredarîyê Êlihî zî no proses wina qalî kerde: "Nêzdîyêke keda cinîyan çin kena esta. Bi qeyûman heme sazgehî ameyî tasfîyekerdiş. No semed ra xeylê problem bandure partî keno. Ma hewl danê warê têkoşînê xo de probleman çareser bikerê. Mintiqa de bandure îqtîdarî bingeyê feodalî reyna gane kerd. LA do şaredarîyê şarî reyna şarî rê ageyrê."