Gelo hemverê îstîsmaro zayendî kastrasyono zayendî çareserîyo? 

2018-07-02 12:51:40


	 

	STENBOL- Hetkarê serekwezîrî Bekîr Bozdagî îzahatê sey 'Ma tedbîr ra vanê kastrasyono zayendî do heme hetan ra wexto ke newe bikerê dewre' da. Avûkatan reaksîyon mojna ra û va rayîrê çareserî caardişê qanûnê bîyaye de derbaz beno û ganî cinî hedef nêrê girewtiş.

	 

	Hetkarê serekwezîr Bekîr Bozdagî derheqê Eylul Yaglikara 8 serrî ke Polatliyê Enqereyî de amî qetilkerdiş de îzahatêke da û va: "Ma tedbîro ke ci ra vanê kastrasyono zayendî bi heme het ra wexto newe de ma do bikerê dewre." Rêxistinê cinîyan reaksîyon mojnayî îzahat û avûkatan zî va pêşnîyarîyê Bekîrî çareserî nêano û va ganî cinî hedef nêrê girewtiş û vatî rayîrê çareserî qanûnê bîyaye de virazênê.

	 

	Meclîsê Cinîyan ê Stenbolî ra Esîn Yeşîlirmake dîyar kerde ke no pêşnîyarîyê çareserî, çareserî nîyo û wina va: "Çimeyê problemî nêweşîyê ke bi metodê tibî bêro çareserkerdiş nîyê. Qanûnê ma de cezayê giran estê la her wext ceza yenê war. Eke gumanbar rê ceza nêro vistiş, xora do bi serran hepisxane de bimano. Gerek gumanbar bêrê cezakerdiş û mexdurî zî bêrê pawitiş."

	 

	Gulsum Kav: Çareserî yeno taloqkerdiş

	 

	Verfeka Meclîsê Cinîyan ê Stenbolî Gulsum Kave zî dîyar kerde ke deliqnayîş û xesênayîş caardişê Dewro Mîyanên ê û wina va: "Tirkîya ganî vernê de goreyê peymanê heqê domanan têbigeyra. Qanûnan de domanî yenê pawitiş la ma caardişan de nê nîvînenê."

	 

	Gulsume tewr peyîn qiseykerdişê xo de arde ziwan ke pêşnîyarîyê îqtîdarî çareserî rê wetayîr, problem taloq keno û tu hetê çareserî yê çareserî çin o.