'Weşî hêzê merdiman a' 

2018-06-28 13:50:34


	 

	TIL TEMIR - Endama Dermanxaneyê Nêweşxaneyê Ş. Lêgerînî Malva Hesene derheqê weşîye de qisey kerde û ard ziwan ke taybet germinîye de ganî merdim xo bipawo û çîyê bi awin biwero. Malvaye dîyar kerde ke tîje vera zêde mevinderên û seba emrêk derg û cuyêk weşe, weşîya xo miqate bibên.

	 

	'Ganî merdim dermanê tebîî zêde bixebitno'

	 

	Endama Dernaxaneyê Nêweşxaneyê Ş. Lêgerînî Malva Hesene derheqê weşî û dermanê ke cinîyî seba zeyîfbîyayîşî xebitnenî de wina va: “Ganî merdim xo dermanê zeyîfkerdişî û antîbîyotîkan bipawo. Wexto ke dermanê zeyîfkerdişî û antîbîyotîkî zêde bêrî xebitnayîş zirarêk pîl danî bedenê merdiman.. Ganî merdim dermanê tebîî zêde bixebitno."

	 

	Malvaye dewamê qiseykerdişê xo de ard ziwan de seba weşîya merdiman spor zaf muhîm o û wina dewam kerde: “Ganî merdin her roje spor bikero û bimeşo. Eke spor bêro kerdiş, problemê weşî zî kêmî benî. Sewbîna zî ganî merdim xo amelîyatê estetîkan bipawo. Amelîyatê estetîkî merdiman aciz kenî û zirar danî weşîya merdiman.”

	 

	Malvaye veng daye heme merdiman ke dermanê tebîî bixebitnî û qiseykerdişê xo wina qedênaye: “Ganî merdimî bi haletê kapîtalîzmî nêrî xapênayîş û xo înan ra bipawî.”