Serpîl Kemalbay: Lazimî bi têkoşînêke xurt esto 

2018-06-27 13:19:31


	 

	ÎZMÎR - Serpîl Kemalbaye da zanayîş ke yewin partîya ke meclîs de temsiliyetê cinî bi sewîyeya berz bi dest kerdo HDP yo û wina va: "Krîzê demokrasî ke xeylê derbe werdo dewam keno. Ma do cinîyê partîyê bînan dir bibê hempar û ma do nê bigîrê dest. Êdî waran de lazimî bi hewldayîşêke xurt esto."

	 

	Parlamentera HDPî ya Îzmîrî Serpîl Kemalbaye ke weçînayîşê 24ê Hezîrane de amî weçînayîş dîyar kerde ke binê OHALî de HDPyî reyke bîn zî baraj derbaz kerdo û eynî wextî de vistişê temsilîyetê cinî yê meclîsî zî sey vindîbîyayîşê demokrasî bi name kerde.

	 

	‘CHP muxatabê xo ra rema'

	 

	Serpîle da zanayîş ke bi taybet hemverê weçînitoxê Kurdan teda estbî û pêwa nê hemeçîyan ganî ma têkoşînê demokrasî û azadî açernê îmkan û ma tîya ra cewabêke bidê. Serpîle va namzedê HDPî Selahattîn Demîrtaşî kampanyaya weçînayîşî Hepisxaneyê Edîrne de meşnayo û pêwa nê partîyê bînan ra tewr zêde rayî girewtê.

	 

	 'Krîzê demokrasî dewam keno'

	 

	Serpîle qiseykerdişê xo wina dewam kerde: "Nika krîzê demokrasî dewam keno. Partîya ma ra do 67 parlamenterî bikoy parlamento û nê weçînayîşî hem parlamento û hem zî waran de bimeşnê. Nê şertê vera demokrasî de derbazkerdişê barajî zaf girîng o. Ma nê şert û merc derbaz kerdî. Krîzê demokrasî dewam keno. CHP demokrasî de samimî nîyo.”

	 

	‘Ma do parlamenterê cinîyan dir hempar bixebityê'

	 

	Serpîle tewr peyîn qiseykerdişê xo va ke HDP hetê têduştîya zayendê komelî de hemleyê girîng eştê û HDPyî de bi dayeyêke girîng parlamenterê cinî kewtê meclîs. Serpîle va do meclîs de bi cinîyê partîyê bînan dir bi hawayêke hempar xebatan bimeşnê.