Parlamenterê cinî yê HDPyî: Ma do problemanê xo pîya çareser bikerê 

2018-06-27 10:39:43


	 

	AMED - Parlamenterê HDPî yê dimayê 24ê Hezîrane do bikoyê meclîs, dîyar kerdî ke do wayîr ro qezencê xo vejîyî û problemê ke estê pîya çareser bikerê.

	 

	Weçînayîşê serekkomarî û parlamenterî yê 24ê Hezîrane de 25 ci ra cinî 67 parlamenterê HDPî kewtî meclîs. Parlamenterê cinî yê HDPî yê Amedî Semra Guzel, Dersîm Dag û Remzîye Tosune dîyar kerdî ke hedefê înan ê ewil  problemê ke estê çareser bikerê. 

	 

	‘Weçînayîş wextê ke adîl de nêame kerdiş'

	 

	Parlamentera HDPî ya Amedî Semra Guzele va ke weçînayîş wextê ke adîl de nêameyo kerdiş û waştê HDP binê barajî de bimano. Semra wina va: "Derbazkerdişê barajî yê HDPyî serkewtişêke pîl o. No daye 1ê Teşrîna peyêne ra tewr berz o. Semedo ke tifaqan de rayê ma parçe bî.  Namzedêke ma kewt. Wezîfedarê ma yê sindoqan û muşahîdê ma ameyî tepiştiş. Namzedê ma yê serekkomarî sey namzedê bînan propagandayê weçînayîşî nêmeşnayî."

	 

	Semraye tewr peyîn da zanayîş ke aye dimayê OHALî bi KHK ameya îxrackerdiş û va hedefê înan vernî o yo ke OHAL bêro wedartiş.

	 

	'Ma do seba cinîyan têkoşîn bikerê'

	 

	Parlamentera HDPî ya Amedî Dersîm Dage zî da zanayîş ke ê binê tedayan de şîyê weçînayîş û wina va: "Ma no weçînayîş de bi serkewtiş vejîyayî. Ez sey parlamenterêke ciwan e, ez do meclîs de bibî vengê ciwanan. Welat de problemo tewr pîl perwerde yo. Çi destê mi ra bêro ez do bikerê. Ma do cinîyan dir problemê xo çareser bikerê.”

	 

	'Ma do vengê Sûrî bidê eşnawitiş'

	 

	Parlamentera HDPî ya Amedî Remezîye Tosune zî qedexeyê tebervejîyayîşê kuçeyan û pêrodayîşê Sûrî arde vîr û wina va: "Dewlete waşt Sûr bi vêşanî terbîye bikera. Keyeyî rijnayî û bi çîyê qij waştî şar bixapênê. La şarê Sûrî sindoqan de cewab da. Ez seba vengê Sûrî bidî eşnawitiş ez do hewl bidî.”