Cinîyê Wanijî: HDP meclîs de yo la têkoşîn hema nêqedîyayo 

2018-06-26 10:45:01


	 

	WAN - Cinîyê Wanijî dîyar kerdî ke weçînayîş binê xîle û tedayan de derbaz bîyo û wina vatî: “Ma zaf bi hêvî yê. Do HDP meclîs de bo, la têkoşînê ma nêqedîya. Ma sey cinî têkoşînê xo heta peyîn dewam bikerê."

	 

	HDPyî sera 11.67 rayî weçînayîşê 24ê hezîrane de girewt û 67 parlementer vet. Cinîyê ke bi rayê xo Wan de 5 parlamenter eşrawitî meclîs dîyar kerdî ke do têkoşînê înan dewam bikero.

	 

	Cinîyan ra Sarya Yacan wina va: “Ma baraj derbaz kerd. Pêwa heme xîle û tedayan şar pey sindoqan de şi. Weçînayîşoke demokrasî tede çinbi, derbazkerdişê barajî zaf baş bi. Semedo ke meclîs bê HDP nêbeno.”

	 

	‘Ma bi hêvî yê’

	 

	Cinîya bîn Ferman Yilmaze zî da zanayîş ke pêwa heme tedayan HDPî baraj derbaz kerdo û wina va: "Ma waştêne namzedê ma Selahattîn Demîrtaş vejîyo. La pêwa nê şertan HDPyî baraj derbaz kerd. Eke reyna rayî nêameyne diznayîş, HDPyî rayêke zêde bigirewtêne. Ma bi hêvî yê. HDP meclîs de yo la têkoşînê ma nêqedîya. Ma cinî heta peyîn têkoşîn bikerê."

	 

	Fatma Arslane zî arde ziwan ke roja weçînayîşî dimayê raydayîşî şîya mekteba ke wezîfedar bîya û va zaf nêheqî bîyê û wina va: "Nê neheqî her ca de ameyî ciwîyayîş. Merdimî wexto ke şîne rayê xo xebitnayne ameyne tepiştiş ya zî kiştiş. Pêwa nê çîyan ma wayîrê sindoqanê xo vejîyayî. Ma şarê Kurdî her wext hetê huqûqîyê. Ma heqê xo zanê."