'Pêwa xîle û dizdîya AKPyî serkewtiş ame bidestkerdiş' 

2018-06-26 09:12:03


	 

	ÇEWLÎG - Namzeda HDPî ya Çewlîgî Şefîka Dogane dîyar kerde ke HDP bi têkoşînê cinîyan baraj derbaz kerdo û pêwa dizdîyê AKPyî, HDPî serkewtişêke pîl kerdo xo dest.

	 

	Weçînayîşan de asayîşê sindoqan çin ame hesibnayîş û îdiayê derheqê diznayîşê rayan û rayê ke blok ameyê xebitnayîş atine de dîmenî çapemenîya komelî de ameyî parekerdiş. Pêwa heme teda û astengîyan HDPyî baraj sera 10 derbaz kerd û 67 parlamenter kewtî meclîs û bî partîya hêrîn ya Tirkîya.

	 

	Çewlîg de zî îhlalkerdişî zaf ameyî ciwîyayîş û Şefîka Dogana ke rêza hêrîn yê HDPî ra namzede bî, îhlalkerdişê heqan û derbazkerdişê barajî yê HDPyî şîrove kerde.

	 

	‘Serkewtişê HDPyî nîşaneyê serkewtişê cinîyan o'

	 

	Şefîka da zanayîş ke AKP hewl dano bi xîle û dizdî îqtîdarê xo dewam bikero û va: "Pêwa heme xîle û dizdîyê AKPyî zî HDP newe ra kewt meclîs. Taybetî seba HDP baraj derbaz bikero cinî zaf xebityayî. Ez seba heme embazanê ma spas kena."

	 

	Şefîka bale ante serê derbaskerdişê barajî HDPî û wina va: "HDP problemê ey binê barajî de bimano çinbi. Problemê binê barajî de bidê verdiş bi. Xeylê bajaran de xîle ameyî ciwîyayîş. La ma bi hemwelatîyanê xo dir hewl da ke ma vernî nê çîyan bigîrê. Pêwa dizdîya AKPî, serkewtişêke pîl ame bidestkerdiş."