3 metropolanê pîlî de 162 parlementeran ra tena 31 cinîyî estî 

2018-06-25 14:13:54


	 

	MERKEZÊ XEBERAN - Tirkîya hetê temsîlkarîya seyyewbînanî ya meclisî de pêroyê welatan mîyan de rêza 132. de ya. Goreyê netîceyanê nefermî weçînayîşê 3 bajaranê metropolan sey Stenbol, Anqara û Îzmîrî de 162 parlamenteran ra tena 31 parlementerê cinîyî estî.

	 

	Tewrê fen û futê weçînayîşî goreyê netîceyanê Ajansê Anadoluye ke ame aşkerakerdiş, ame dîyiş ke hûmara cinîyê parlementerî çiqas kêmî ya. Sey bajarê Stenbolî ke parê 3 herêman amebî kerdiş ra 98 parlementerî ameyî weçînayîş, labelê nê parlementeran ra tena 20ê ci cinîyî. Sewbîna zî bajarê Îzmîrî de 28 parlementeran ra tena 4ê ci cinîyî. Rewşa Anqara zî înan ra cîya nîya û 36 parlamenteran ta tena 7 ci cinîyî.