'Bi roj serê sindoqan şan de zî pey sindoqan 

2018-06-23 09:38:10


	 

	STENBOL - Prof. Dr. Nesteren Davutoglu  û hunermenda reqsê modernî Zeynep Tanbaye bale ante serê pawitişê rayan û veng da ke bi roj serê sindoqan şewe zî pey sindoqan bê. Nesterene dîyar kerde ke eke HDP vindî bikero do muxalefet vindî bikero.

	 

	Akademîsyen  Prof. Dr. Nesteren Davutogluye weçînayîş şîrove kerde û dîyar kerde ke berpirsîyarî kono serê milê heme kesî û veng da heme kesî ke wayîr sindoqan vejîyê.

	 

	Nesterene da zanayîş ke AKP mîmarê rijnayîş, bêaramîyê welatî yo û va ke tu projeyêke AKPî yê newe seba şarî çin o û wina va: "Projeyê rincankerdişê AKP tede yo heme muxalefetî zî rincan kerdo. Komelî cira keno û kîn û nefret awan keno. No zî netîceyê polîtîkayê negatîf ê AKPî de virazêno. Ma no weçînayîş de bi hêvî yê."

	 

	‘HDP vindî bikero do muxalefet vindî bikero'

	 

	Nesterene da zanayîş ke HDP hetê temsîlkarîyê cinîyan de, Tirkîya de seba heme partîyan nimûneyo û wina va: "Nîmeyê komelî cinî yê. La Tirkîya de wina nîno vînayîş. Hewl danê HDP binê barajî de bimano. No zî vera cinîyan nêheqîyo. HDP vindî bikero do muxalefet vindî bikero. Eke HDP baraj derbaz nêkero ma do 80 parlamenter bikerê verêke îqtîdar î. Ganî weçînayîş bi asayîş bêro taqîbkerdiş. Ma vîdeoyê ‘bi to vuryeno' amade kerd."

	 

	Zeynep Tanbaye: Ez hema bi hêvî ya

	 

	Hunermenda reqsê modernî Zeynep Tanbaye zî arde ziwan ke ê berdê weçînayîşêke bêadîl û va ke no weçînayîş de ganî wayîrê sindoqan bêro vejyayîş û wina dewam kerde: "Goreyê verê her kes tewr zêde wayîrê hişmendîyo. Ma no weçînayîş de bi hêvî yê. Ganî her kes 24ê hezîrane de şêrê serê sindoqan û dimayê weçînayîşî zî wayîrê sindoqan vejîyê."