Dayikê Aştî şîyî zîyaretê Emîne Şenyaşare 

2018-06-22 14:16:18


	 

	RIHA - Dayikê Aştî şîyî zîyaretê Emîne Şenyaşare ke merdimê Parlementerê AKPyî Îbrahîm Halîl Yildizî ke di (2) laj aye Adil, Celal Şenyaşar û mêrdeyê aye Haci Esvet Şenyaşarî qetil kerbî.

	 

	Dayikê Aştî şîyî zîyaretê Emîne Şenyaşare ke merdimê Parlementerê AKPyî Îbrahîm Halîl Yildizî ke di (2) laj aye Adil, Celal Şenyaşar û mêrdeyê aye Haci Esvet Şenyaşarî qetil kerbî.

	 

	Însiyatîfê Dayikê Aştî yê Amedî şîyî zîyaretê Emîne Şenyaşare ke merdimê Parlamenterê AKPyî Îbrahîm Halil Yildizî ke di (2) lajê aye Adil, Celal Şenyaşar û mêrdeyê aye Haci Esvet Şenyaşarî ke qetil kerdbî. Dayikê Aştiyî Emîne Şenyaşare rê serweşî waştî û duayan kerdî. Emîne Şenyaşare Dayikê Aştî rê qala domanê xo kerde.

	 

	Emîne Şenyaşare qalîkerdişê xo de wina va: “Domanê mi qet zerra mi nêverdayî û mi nêşiknayî. Wexto ke şewe bêyêne ameyêne keyeyê xo. Domanê mi wexto ke şamê xo werdêne ameyêne kişta mi û nêverdayêne ke ez karê keye bikera. Ê tena karê xo kerdêne."

	 

	‘Seba ke heme şarê Pirsûsî bitersnî û rayan bidî AKPyî mêrdeyê mi û di lajê mi qetil kerdî’

	 

	Emîneye dewamê qiseykerdişê xo de va ‘Seba ke heme şarê Pirsûsî bitersnî û rayan bidî AKPyî mêrdeyê mi û di lajê mi qetil kerdî.’

	 

	Dima ra Dayika Aştî Havva Kirane qisey kerde û wina va: “Ma zî eynî deje ancenî. Wa serê şarê kurd weş bibo. Dejê ma yew o. Ma êdî nêwazenî welatê ma de hedîseyê winasî bivirazîyî. Ma veng danê heme kurdan ke cewabê xo sindoqan de bidî qatilan. Torbeyêk meqerne yeno peydakerdiş, labelê gonîya domanan xelas nêbeno. Seba menfîetê tay şexsîyetan, ganî ma yewbînan nêkişî. Gonîya domananê kurdan erzan nîya. Ganî na gonî bêra vindetiş.”