Prof. Dr. Sîbel Perçînele: Ganî her kes wayîrê sindoqan vejîyo 

2018-06-22 12:37:18


	 

	Duygu Cînîvîz- Habîbe Eren

	 

	ENQERE - Prof. Dr. Sîbel Perçînela ke yew akademîsyena ke ameya îxrackerdiş a bale ante ser asayîşê sindoqan û va bi tena partî û zerrîwaştîyan çareser nêbeno, ganî her kes serê sindoqan de bo.

	 

	Prof. Dr. Sîbel Perçînela ke bi KHKyî Beşa Zanistî Patolojî ya Unîversîteya Enqerî ra amî îxrackerdiş, dîyar kerde ke ganî asayîşê sindoqan bi hawayêke baş bêro girewtiş.

	 

	Sîbele arde ziwan ke aye bi namzeda mintiqaya diyîn ê Enqereyî Nuray Turkmene dir xebate meşnena û bi taybet qezaya Altindag û Keçîorenî de xebatan meşnena û bi rayberîya cinîyan xebate meşnena.

	 

	Sîbele dewamê qiseykerdişê xo de da zanayîş ke înan ewil bi hemserekê qezayan û îdarekarê partiyan dir xebat meşnenê û dima ra hûmara xebatkaran zêde bîya û wina va: "Dima ra ma Atapark, Baglum, Huseyîngazî de buro akerd. Ma kuçe bi kuçe, tax bi taxe geyrayî û ma xebate meşna. Ma cinîyan dir sohbet kerd. Ma eleqeyêke pîl dî. Wexto ke ma xebat meşna ma tena esasê 24ê hezîrane de xebat nêmeşna. Ma şarî rê zanayîş da. Ma dest da şarî û ma problemê înan musayî. Ma hewl da ma xo biresnê her het ra. Ma her ca de rastê feqîrî û betalî ameyî."

	 

	‘Mintiqaya 2yîn de lazimî bi muşahîdan esta'

	 

	Sîbele bale ante babeta asayîşê sindoqan ser û xebatê endamê heyetê sindoqan û wezîfedarê mekteban qedyayê la seba muşahidî heta roja peyîn wext esto û va tewr zêde zî seba mintiqaya 2yîn lazimî bi muşahîdan esto.

	 

	 Sîbele wina dewam kerde: "24ê Hezîrane zaf girîng a. Asayîşê sindoqan bi vatişê nêmano. Ganî ma heme pîya têkoşîn bikerê. Seba cuyake newe ganî ma serê sindoqan de bê. Eke baraj nêro derbazkerdiş, partîyêke bîn rê heqê cuyayîşî çin o. Ganî HDP meclîs de zaf î bikero xo dest. Derbazkerdişê barajî yê HDPî zaf girîng o. No semed ra ganî welat de bibê wezîfedar û wayîrê sindoqan vejîyê."