Cinîyê Îdirî: Ma rojêke zî karê xo bidê hetêke û wayîrê sindoqan vejîyê 

2018-06-22 11:10:49


	 

	ÎDIR - Dewê ke sera 90 rayî yenê girewtiş û sindoqê înan ameyê barkerdiş, cinîyan dîyar kerdî ke do karê xo bidê kîştêke û wayîrê sindoqan vejîyê.

	 

	Îdiro ke sera 90 HDPyî rayan gêno, dewê ey ra sindoqî yenê barkerdiş. Merkez de 9, qezaya Tuclucayî zî 28 bi pêroyî do 37 sindoqî bêrê barkerdiş. Sindoqê ke yenê barkerdiş de 4 hezarî ra zêde hemwelatî do rayan bixebitnê. Seba hemwelatî bi asayîş rayanê xo bixebitnê, do serê sindoqan de di kesî ca bigîrê. Verê nê de zî serê her sindoqe de do muşahîdêke bibo. Xêrcê wezîfedarê HDPyî do cinî zî sindoqan bipawê.

	 

	'Ma destûr nêdanê diznayîşê rayanê ma

	 

	Sabîha Kizilaye dîyar kerde ke bi serran o rayê înan weçînayîş de yenê diznayîş, la weçînayîş de do destûr nêdê û wina va: "Emsar seba Erdogan şêro ma do fek sindoqan ra vera nêdê. Şar do wayîrê sindoqan vejîyo û zulmê 16 serran ra vajo ‘êdî bes o’.”

	 

	'Ma do verê mekteban vinderê

	 

	Nuriye Kiziltaşe zî arde ziwan ke dimayê ke raya xo bixebitnê do verê mekteban de vinderê û wina va: "No îqtîdar 16 serrî yo serê bedenê cinîyan de xo bîyaye keno. Teda û zulmê înan nêqedîya. Kesê ke rayê xo xebitnayî wa sindoqan terk nêkerê. Heta ke rayê ma bêrê akerdiş ma do bipawê."

	 

	'Ganî her kesê ke wayîrê wijdanîyê sindoqan bipawê’

	 

	Dîlber Gulcane zî da zanayîş ke ganî êdî Tayyîp Erdogan şêro û qiseykerdişê xo wina dewam kerde: "Dimayê ke ez raya xo bixebitnî, ez do bipawî. Ma rojêke zî karê xo bidê hetêke. Wa rayê ma nêrê diznayîş. Mi sey cinîyêke AKPî ra zaf ant. Seba ke ma Kurdbî ma zaf çî ciwîyayî.”

	 

	Emîne Faîke zî vengdayîşê wayîrvejîyayîşê sindoqan şarî rê kerde û va ganî her kes nêşêro keyeyê xo û wayîr rayan vejîyê.