Xebatê weçînayîşî de cinîyêke Oya Ersoye: Lazimîya Tirkîya bi mezgê cinîyan esta 

2018-06-21 09:26:32


	 

	Evrîm Kepenek

	 

	STENBOL- Yew namzedê HDPyî Stenbolî Oya Ersoye rojêke xebata xo ya weçînayîşî, vernê de bi beşdarbîyayîşê çapemenî û dima ra zî serdayîşê şarî û esnafan derbaz kena. Oya dîyar kena ke sey tespîtê ke Sebahat Tuncel, Gultan Kişanak û Fîgen Yuksekdage nêameyê xovîrrakerdiş kuçeyan de serê nameyê înan de xebityena û dîyar kena ke lazimîya Tirkîya bi mezgê cinîyan esta.

	 

	Xebatê namzedê HDPyî Stenbolî bi coş dewam kenê. Namzedî her roje destê seyan kesî gênê û bi desan kahwe û esnafan zîyaret kenê. Yew namzeda cinî Oya Ersoye beşdarê xebatan bena.

	 

	Avûkatan ra sozê piştdayîşî girewte

	 

	Oya ke siba rew beşdarê xebatan bena, vernê de bernameyê radyoyê Yon FM bena û pêşnîyarîyê çareserî derheqê problemê cinîyan de rêze kena. Oya beşdarê Nobetê Edaletî yê verê Edlîyeya Stenbolî zî bena. Oya ke aye zî avûkata bernameyê seba avûkatê ke tepişnayeyan yenê kerdiş de rastê eleqeyêke pîl yena. Oya bername de zî fikrê xo yê derheqê weçînayîşî de pare kena û embazanê xo yê avûkatan ra zî sozê piştdayîşî gêna.

	 

	'Yewin derdê AKPî îqtîdar o'

	 

	Oya dimayê Nobetê Edaletî şina Cadeyê Kurtuluşî yê Şîşlî. Oya persê esnafan cewab kena û dîyar kena ke yewin derdê AKPî îqtîdar o û vana şar no baş zano û Oyaye arde ziwan ke no semed ra HDP hedefê AKPî de yo.

	 

	'Ma temsîlkarîyê têduşt wazenê'

	 

	Oya da zanayîş ke her cayo ke sîyaset vejêno vernî,  sîyasetmedarê camêrdî vejênê vernî û va na rewşe de HDP nêko meclîs do vera ci 36 camêrdî bikoy meclîs û wina va: "Ma cinî têduştî û azadî wazenê. Rejîmê Erdoganî ke veto meydan, ma zanê ke do têkoşînê ma asteng bikero. Ma nîmeyê no welatî yê û ma temsîlkarîyê seyyewbînan wazenê. Partîyê bînî seba polîtîkayê înan yê cinîyan çin ê, hûmara sîyasetmedarê cinîyan kêm a û no welatî de lazimî bi mezgê cinîyan esta."