Cinî heqê herra xo de têduştî wazenê 

2018-06-20 16:14:16


	 

	MERKEZÊ XEBERAN - Seranserê dinya xeylê welatan de heqê weykerdişê herre ya cinîyan bi qanûnan yena astengkerdiş û hîn welatan de zî qanûnan de bi hawayêke têduşt ca gêna.

	 

	Lîberya de cinîyê aktîvîstî aşma Nîsane de seba Qanûnê Heqê Wayîrê Herre protesto bikerê rayşîyayîş kerdî heta Qesrê Serekkomarî. Cinîyê Aktîvîstî dîyar kerdî ke seba heqê xo bigîrê, herra pî û kalanê xo ra bi endîşeyînê û veng dayî serek George Weah kerdî ke heqê cinîyan bipawê.

	 

	Cinîyan vera astengîyê huqûqî yê vera têkoşîn kenê û dîyar kenê ke cinîyê nêbenê wayîrê herre tena nîyê. Cinî wazenê caardişê heqê herre yê ke pîlbîyayîşê ekonomî asteng kenê, bêrê sererastkerdiş. Wexto ke babete bena wayîrê keyeyî, welat de cinî qanûnan de têduşt nîyê.

	 

	39 welatan de domanê lajî goreyê domanê kênayan mîras tewr zêde gênê. Qanûnê derheqê herre de eynî wextî de rayîr bêtêduştî rê akeno. 8 welatê Afrîka de wayîrê herre çar ra yew zî cinî yê. Latîn Amerîka de dayeyê cinîyê wayîrê herre sera 20 Rojhelato Mîyanên û mintiqaya Vakurê Afrîka de zî sera 5 o.

	 

	Bangladeş, Ekvator û Pakîstan de zî rewşe eynîya. Heqê girewtişê herra ya cinîyan, wayîrbîyayîş ya zî unvanê keyeyî zaf girîng o.

	 

	Heto bîn ra Ruanda de zî cinîyê ke seba kar kredî biancê, heqê înan sera 12 o. Nepal de qanûnî 2007 de vurya û malê keyeyî bi hawayêke hpar ganî domanê kêna û lajan. Ekvator de zî wayîrê erdan nîmeyê ci cinîyê.