
'Ma kewtî heme cayê ke vatêne nêeşkenê bikoyê ci' 

2018-06-20 14:30:46


	&nbsp;

	ENQERE - Namzedê cinî dîyar kerdî ke ê kewtê Keçîoren, Altindag, Akyurt, Çubuk, Çamlidere, Gudul, Kazan, Kalecîk, Kizilcahamam û Pursaklar û wina vatî: "Vatêne HDPyijî nêeşkenê bikoy nê cayan. La ma şî nê cayan û ma xebatî heme cayan de meşnayî. Na zî yeno mehnaya Mintiqaya diyîn baraj derbaz kerdo."

	&nbsp;

	Namzedê HDPî yê Enqereyî Nuray Turkmene ameya îxrackerdiş, perwerdekar Îpek Gur, dayîka Aştîye Nurhayat Emîre kuçe bi kuçe geyrenê û piştdayîş wazenê.Namzedê bi taybetî Ulusê Enqereyî de weçînitoxê muhafazakar û netewperest tedeyê, ca bi ca geyrayî û sebebê ke HDPyî ra vajê belê qalî kerdî.

	&nbsp;

	Namzede Îpek Gure dîyar kerde ke ê xebatêke bi rêxistinkerdişî û weş meşnenê û sere de Altindag û Keçîoren xeylê qezayan xebatê bi koordîne meşnenê. Îpeke wina va: "Ma rêxistinbîyayîş û cinî girîng dî. Xeylê qezayan de ma ber bi ber geyrayî. Xeylê xo zî zanê ke çi wazenê. Seba polîtîkayê dewlete bi reaksîyon bî. Şar pêwa zulm û şer reyna zî hêvîya xo vindî nêkenê. Seba HDPyî vejê vernî xebityenê. No het ra xebatê ma serkewte bi. Ma her ca de dî ke her kes îqtîdarê 16 serrî acis bîyê. Ez hêvî kena ke 25ê Hezîrane de bi rojêke newe şîyar bibê."

	&nbsp;

	‘Ma mintiqaya tewr zehmet ê Enqerî derbaz kerd’

	&nbsp;

	Namzeda mintiqaya 2yîn yê Enqereyî Nuray Turkmene zî bi KHK ameya îxrackerdiş û dîyar kerde ke ê bêmabên xebityenê û HDPyî qalî kenê. Nuraye wina dewam kerde: "Ma qezayê Keçîoren, Altindag, Akyurt, Çubuk, Çamlidere, Gudul, Kazan, Kalecîk, Kizilcahamam û Pursaklar xebate meşna. Ma mintiqaya tewr zehmet ê Enqereyî derbaz kerda. Cayê ke vatêne HDP nêeşkeno ma kewtî ci."

	&nbsp;

	Nuraye nuktaya asayîşî weçînayîşî de zî îqaz kerde û va AKP her wext hewl dano ser sindoqan de serdest bo la ganî serdestî nê, edalet bibo. Nuraye da zanayîş ke do serê siba rew serê sindoqan de bê û va ê vêşan û teyşan bimanê zî taqîbkerdoxê rayanê xo bê.

	&nbsp;

	Dayîka Aştîye Nurhayat Emîre zî dîyar kerde ke aye seba dayîkî nêmirê bîya namzede û wina va: "Tirk, Kurd, Çerkez û şarê bîn ferq nêkenê. Ganî heme dayîkî vera nê şerî vinderê. Seba şarê ma rehet bikerê ma têkoşîn kenê. Ma kuçe bi kuçe, keye bi keye geyrenê û HDPyî qalî bikerê. Ma nêwazenê ciwanê ma bimrê. Ez veng dana dayikê Tirkan zî. Rayanê xo bidê HDPyî. Êdî Bes o. Ma nê sîstemî pîya bivurnê."

	&nbsp;