
Seba mitîngê fînalî yê Mêrdînî rê vengdayîş: Ma do waran de cewabê xo bidê 

2018-06-19 09:08:00


	&nbsp;

	MÊRDÎN - Endama DBP PMyî Semîre Kurte seba mîtîngê 21ê Hezîrane yê Mêrdînî vengdayîş kerde û wina va: "Wa heme &nbsp;Mêrdînijî a roje waran de bê. Ma cewabê xo bi hawayêke tewr baş bidê îqtîdarî."

	&nbsp;

	Mêrdîn de xebatê weçînayîşî dewe bi dewe, qeza bi qeza dewam kenê û weçînayîşan rê hewteyêke mend û mîtîngî dest pêkerdî. Xebatî şew û roje dewam kenê û bi şev û endama meclîsî DBPyî Semîre Kurte seba mîtîngê Mêrdînî yê 21ê Hezîrane ya Parka Karayollari ya Mêrdînî de virazyo vengdayîş kerde û va planê înan o yo ke bi 10 hezaran beşdarê mîtîngî bibê.

	&nbsp;

	'Xebatî bêmabên dewam kenê'

	&nbsp;

	Semîreye da zanayîş ke pêwa ke weçînayîşê serdegirewtişî yo zî, heme komîsyon bi coşêke pîl beşdarê xebatan bîyê û wina va: "Hema zî dewan de, qezayan de xebatê weçînayîşî dewam kenê. Nisêbîn, Mîdyat, Qoser û merkez de mîtîng û qezayê bînan de zî do bername virazyê."

	&nbsp;

	'Wa her kes vera qirkerdişan waran de bê'

	&nbsp;

	Semîre seba mîtîngê fînalî yê mintiqaya Artuklu parkê Karayollari de 21ê hezîrane de virazyo vengdayîş kerde û wina va: "Ez veng dana heme şaran, cinîyan, ciwanan û kesê vera faşîzmî yê û ez vana ke wa beyraqanê xo bigîrê û 21ê Hezîrane de meydan de bê. No weçînayîş ê bîyayîşî yo. No semed ra ma bimojnê heme kesan. Ganî ma vajê HDP."

	&nbsp;