
'Qederê 24ê Hezîrane do cinî dîyar bikerê' 

2018-06-19 09:07:00


	&nbsp;

	MELETÎ - Cinîyê HDPyî xebatê xo bi lez û bez dewam kenê, dîyar kerdî ke do qederê weçînayîşî zî cinî do dîyar bikerê.

	&nbsp;

	Meletî de xebatê weçînayîşî dewam kenê, xebatî bi rayberîya cinîyan yenê dewamkerdiş. Hemsereka HDPyî ya Meletî Zeynep Dogan û endama HDPyî Bîrgul Dogane dîyar kerde ke do qederê 24ê Hezîrane cinî dîyar bikerê.

	&nbsp;

	'Cinî eşkenê bi HDPî vengê xo bidê eşnawitiş'

	&nbsp;

	Zeynep Dogane da zanayîş ke yewin partîya vengê cinîyan dana eşnawitiş HDP yo û qiseykerdişê xo wina dewam kerde: "HDP partîyêke azadîwaşt ê cinîyan o. Yewin partîya ke vengê cinîyan bêro eşnawitiş HDP yo. Ganî ma rayanê xo bidê HDPî. Ganî ma cinî vera problemê azadî vengê xo berz bikerê. No welatî de îdareyêke merdiman erzeno hepisxane esto. Vanê gelo ma qisey bikerê ma do bêrê tepiştiş. Ganî ma nê tersê asayîşî biaçernê aştî û azadî."

	&nbsp;

	'Problemê azadî rê wa cinî çareserî bivînê'

	&nbsp;

	Bîrgul Dogane zî bale ante serê polîtîkayê şer û wina va: "Bi şer û derbeyan Tirkîya de problemêke cidî ê demokrasî esto. Bi OHaLî dir weçînayîş yeno ferzkerdiş. Merdimî bi KHKyan kar ra ameyî eştiş. Seba ma nê kaosî ra vejyê, ganî HDP meclîs de bo."

	&nbsp;

	Bîrgule tewr peynîya qiseykerdişê xo de serê kiştişê cinîyan û îstîsmarê domanan de zî vinderte û va ganî cinî problemê azadîya welatî rê çareserî bivînê û va aye sey mayêke bi heme bawerîya xo xebatan HDPyî de meşnena.

	&nbsp;