Endema CHP PMyî Gulseren Onanç: Ganî sera 30 kota bi ca bîyarê 

2018-06-17 09:11:33


	 

	STENBOL - Endama Meclîsê Partîya CHPî Gulseren Onançe, dîyar kerde ke sera 30 kotayê cinîyan goreyê  standartê mîyanneteweyî ameyê dîyarkerdiş ke û ganî hetê partîyan bêrê destekkerdiş û bi ca bêro.

	 

	Endama Meclîsê Partîya CHPyî Gulseren Onançe girîngîyê kotaya cinîyan ya parlamentoyan ganî bêro şîrovekerdiş û ard ziwan ke merdimê lîsteyan ewnîyenê, vejêno meydan ke babeta kotaya cinîyan çiqas girîng o.

	 

	'Ganî vernîye bêtuduştî bêro girewtiş'

	 

	Gulserene da zanayîş ke hûmara cinîyan ê pêroyî yê parlamentoyî de heta nika sey dayeyê tewr zêde yeno vînayîş û no zî sera 14 derbaz nêkeno û wina va: "Belkî zî binê nê de bimano. 2007an heta nika ma 4 weçînayîş derbaz kerd la no daye nêvuryeno. Seba no daye bivuryo ganî vernîye bêtêduştî bêro girewtiş. Seba kota virazyo qanûn de ca bigîro. Ya zî do çîyêk nêvuryo. Hîn partîyê ma pêwa ke kotaya înan estê zî cinîyan ke bêrê weçînayîş nêmojnenê ra. Ganî kota bi ca bîyarê."

	 

	Ganî sera 30 kota bi ca bîyarê

	 

	Gulserene ard ziwan ke nîmeyê komelî cinîyê û va ganî  meclîsî de zî têduştî bibo û wina va: "Labelê roja awankerdişî ra heta nika dayeyê bîyayîşê cinîyan  meclîsî de sera 14 derbaz nêbîyo. Sera 30 kota virazyo. Waştişê ma; nimûne ma vajê CHPî 150-160-170 parlamenter vetê, ganî tewr tay 50 û hîn zêde cinî bê. La hûmara nika ma vînenê 15-20 o."