Şar zano çi wazeno: Eynî awe de merdîmî nêeşkenê di rey xo bişutê 

2018-06-16 12:58:48


	 

	ÎZMÎR - Serpîl Kemalbaya dîyar kerde ke hêrişê vera Qendîlî, planê A,B,C yê Erdogan û vatişê tersnayîşê şarî do 24ê Hezîrane de veng vejê û wina va: "Eynî awa de reya diyîn merdimî nêeşkenê xo bişoy. Şar hemleyêke vernîye siyastmedaran o û çîyê ke wazeno zî baş zano."

	 

	Namzeda HDPyî ya Îzmîrî Serpîl Kemalbaye prosesê weçînayîşî û kayê îqtîdarî yê weçînayîşî şîrove kerde û dîyar kerde ke se beno wa bibo şar çîyo ke keno baş zano.

	 

	'Weçînayîşî demokratîk de planê A,B, C çin ê'

	 

	Serpîle arde ziwan ke weçînayîş yeno mehnaya muracatê îradeyê şarî û seba nê zî ganî hawirêke adîlane bêro awankerdiş û wina va: "Serekomar vano ‘planê ma yê A û B estê'. No zî mojneno ke weçînayîşêke azad nîyo. Weçînayîşêke demokratîk de planê A, B, C û D nêbenê. Weçînayîşêke demokratîk de îradeyê şarî ganî bibo. Her kes zî do îradeyê ke vejêno vajo temam."

	 

	'Tedayê Erdogan’

	 

	Serpîle arde ziwan ke namzedê HDPî yê serekkomarî yê Selahattîn Demîrtaşî seba falîyetê sîyasî ameyo girewtiş û bi hewayêke îhlalkerdişê heqî hepisxane de yo. Serpîle bale ante serê tedayan û va Erdogano ke fam kerdo do serkewte nêbo tedayê xo zêde kerdê.

	 

	'Do şar asayîş bikero'

	 

	Serpîle bale ante serê barkerdişê sindoqan zî û da zanayîş ke sindoqan berê ça zî do weçînitoxanê xo berê uca û seba asayîşê sindoqan wezîfedarê sindoqan û muşahîd awan kerdê. Serpîle wina dewam kerde: "AKP 7ê Hezîrane û heta nika polîtîkayê şer meşnaw. Dimayê nê bi destê îqtîdarî koas ame awankerdiş. Hemserek, hemşaredar, parlamenter û nêzdîyê 6 hezar partî ameyî tepiştiş. Hewl dayî HDPî çin bikerê. Nika zî eynî çî kenê û wazenê reyna şar şêro hetê înan. La netîce de awake de merdimî nêeşkenê xo di rey bişutê."