Feleknas Uca: Yê ke şinê serê sindoqan wa cinîyê ke destê DAIŞî de yê bifikrîyê  

2018-06-15 11:42:28


	 

	ÊLIH - Namzeda Êlihî ya HDPî Feleknas Ucaye va pêşnamepersê seba Êzidîyan pêşkêşî meclîsî ameyê kerdiş bê cewab mendê û wina va: "Ma do hem bibê vengê cinîyê Şengalî û hem zî bibê vengê cinîyê ke destê çeteyan de yê. Şarê ke şinê serê sindoqan wa cinîyê destê çeteyan de bifikrîyê û rayan bifikrîyê."

	 

	Parlamentera HDPî ya Amedî Feleknas Uca na rey zî HDPî ra bî namzed. Feleknase têkoşîno ke Platformê Têkoşînê Seba Cinîyan ameyê Desteserkerdiş, problemê Êzidiyê Tirkîya û têkoşînê Meclîsî qalî kerde û bale ante serê girîngîyê weçînayîşê 2018an. 

	 

	'Hîrê hezar cinî destê çeteyan de yê

	 

	Feleknase dîyar kerde ke hema 3 hezar cinî destê çeteyan de yê û qiseykerdişê xo wina dewam kerde: "Ma zî Platformê Têkoşînê yê Seba Cinîyê Ameyê Desteserkerdiş' awan kerd. Platfrom tena xilaskerdiş, piştdayîşê psîkolojîk dano. Ma kampê Êzidîyan, Kurdistan, Ewropa û cayê cîya awan kerdî. Xebatê ma Ewropa de zî dewam kenê."

	 

	‘Birînêke teze her wext esto'

	 

	Feleknase da zanayîş ke qirkerdişê 73in ê Êzidîyan verê çimê heme dinya virazya û va ê prosesêke her wext azadîya cinîyan yeno qiseykerdiş û wina va: "Hema xeylê cinî îna gelek destê çeteyan de yê. Cografya Şengalî nêame azadkerdiş. Dimayê Şengalî de hêrişê dewê Êzidîyan kerd. Merdimî ameyî remnayîş. Dimayê qayûm ameyî kampê Êzidîyan reyke bîn zî mexdur bî. Hîrê hezar kesî berdî kampê AFADî. Bi serrêke û nîm nêverdê kes bikoy kampê AFADî.”

	 

	‘Ez do biba vengê Êzidîyan’

	 

	Feleknase qiseykerdişê xo de va ke do her wext meclîsî de bibê vengê cinîyê Êzidî û seba heqê xo têkoşîn veng dayî heme kesan ke wexto ke şinê serê sindoqan de cinîyê ke destê çeteyan de yê bifikiryê.