Awanîyê modern yê wezaretî rijîyayê   

2018-06-13 09:25:51


	 

	MÊRDÎN - Nisêbîn de viraştişê TOKÎyan ke hema temam nêbîyê rijîyenê. Awanîyê ke sîyê înan ê balkone û berî, paca şikyayê, seba varnayîşê varane xesarê pîl ameyê meydan.

	 

	Nisêbîn de dimayê qedexeyê tebervejîyayîşê kuçeyan de 6 taxan de awanîyê TOKÎyan ameyî destpêkerdiş. Nîno zanayîş ke TOKÎ do key bêrê teslîmkerdiş û serrêke û nîm o viraştişê înan dewam keno. Heto bîn ra komîsyonê werêkerdişî hewl danê ke keyeyê ke TOKÎyan nêwazenê înan îkna bikerê.

	 

	Zirar dî

	 

	Viraştişê 6 hezar û 400 awanîyê ke yeno vatiş do serê serre de bêrê teslîmkerdiş dewam kenê. Goreyê zanayîşê ke muhendisan ra ameyê girewtiş, hema serrêke xebata TOKÎyan menda û xeylê xo seba şert û mercê hewa zirar dîyê. Ame zanayîş ke seba nê do reyke bîn zî verê çiman ra derbaz bikerê û xeylê awanî hem tebera û hem zî zere ra rijênê. Heto bîn ra mintiqaya ke TOKÎ estê hûmara qerekol û MOBESEyan bale ancenê.

	 

	Awanîyê ke bingeyê înan serekwezîr Bînalî Yildirimî eşt û hetê wezîrê bajarwanî Mehmet Ozhasekî ra sey 'awanîyê modern' ameyî hesibnayîş. Verê ke teslîmê şarî bêrê kerdiş, xesar dîyê û rijyayê. 

	 

	Taxa Yenîşehîrî zî rewşa awanîyan eynî hawayê. Awanîyê ke yenê vatiş 3-1 xeylê qij ê. Eynî wextî de asayîşê ganê karkeran zî çin o û heta nika 10 ra tewr zêde karkerî birîndar bîyê.