'Şar do kayan veng bivejîno' 

2018-05-31 12:47:25


	 

	AMED - Şar do kayan veng bivejîno Seke yeno zanayîş Heyetê Weçînayîşî yê Berzî (YSK) 19 bajarê kurdan de cayê sindoqê 144 hezar weçînitoxan bedilna û sindoqan bare kerd herêmê polîs û qorîcîyan. Nê bajaran ra yew zî Amed o. 7 qeza û 66 taxê Amedî de sindoqî kirişînayî herêmê polîs û qorîcîyan. 

	 

	Hemsereka Partîya Demokratîke ya Şaran (HDP) Fîlîz Buluttekîne babete ser o wina va: “Sindoqan bibî qereqol û fizanî zî ma do kerdişê antî demokratîke çin bikerî û ma do piştî bidî şarê xo ke rayanê xo bieşkî asanî bixebitnî. Ma do vera dizan de rayanê xo bipawî.”

	 

	Bajarê Amedî de xebata weçînayîşî dewam kena. Şarê Tirkîya bi qerarê ferzkerdişî yê îtîfaqê AKP-MHPyî ra dima do 24ê Hezîrane de şêrî sindoqan ser û rayanê xo bixebitnî. Partîyê sîyasî 81 bajarê Tirkîya de xebata weçînayîşî meşnenî. Heyetê Weçînayîşî yê Berzî (YSK) 19 bajarê kurdan de cayê sindoqê 144 hezar weçînitoxan bedilna û sindoqan bare kerd. Nê bajaran ra yew zî Amed o. 7 qeza û 66 taxê Amedî de sindoqan kirişnayî herêmê polîs û qorîcîyan. Partîya Demokratîke ya Şaran (HDP) reaksîyon nawit na rewşe. 

	 

	Babete ser o Hemsereka HDPyî ya Amedî Fîlîz Buluttekîne qisey kerd. Fîlîze qiseykerdişê xo de wina va: “Hedefê înan o yo ke HDPyî binê bendî de vera bidî. Her çend ke astengî bibî zî, ma do şêrî sindoqan ser û hewldayîşê înan veng bivejînî. Şar do vera heme hewldayîşan de xover bido. Şar prosesê referandumî de zî sere nêrona. Kesê ke weçînayîşê 7ê Hezîrane qebul nêkerdî, 1ê Teşrîna peyêne de reyna weçînayîş viraştî. Hîle û kayî ameyî viraştiş. Reya yewin nîya ke ma rastê nê kayan yenî. Şarê ma do 24ê Hezîrane de cewab bibo.”

	 

	Ma do her tewir pawitişan bigîrî

	 

	Fîlîze qiseykerdişê xo yê peyênan de zî wina va: “Sindoqan bibî qereqol û fizanî zî ma do kerdişê antî demokratîke çin bikerî û ma do piştî bidî şarê xo ke rayanê xo bieşkî asanî bixebitnî. Ma do vera dizan de rayanê xo bipawî. Ma do heme şert û mercan de şêrî sindoqans er û rayanê xo bixebitnî. Ma veng danê heme kesan ke wa rayanê xo dizan ra bipawî.”