Nîlgun Karacaoglu: Babeta parlamenterê cinîyan de merheleya krîtîk bi HDPî ame wedartiş 

2018-05-30 09:23:23


	 

	Habîbe Eren

	 

	ENQERE - Endama Heyetê Îdarekarê KADERî Nîlgun Karacaoglu hûmara namzedê cinî yê weçînayîşê 24ê Hezîrane şîrove kerde. Nîlgune va babeta parlamenterê cinîyan de yewin rey merheleya krîtîk bi HDPî dir weçînayîşê 7ê Hezîrane de ame wedartiş û va Tirkîya partîya cinîyan namzed mojnena ra îstîsna nîyo, hema hema norm o.

	 

	Lîsteyê namzedîyê partîyê sîyasî yê weçînayîşê 24ê hezîrane de pêşkêşê YSKî ame kerdiş. AKPî 126, CHPî ra 137 û HDPî zî 230 namzedê cinî ameyî mojnarayîş. Pêroyî de 4 hezar û 200 namzedî estê û înan ra zî 3 hezar û 269 camêrd û  931 zî cinî yê. 49 bajaran de cinî rêza yewin de ca gênê. HDP 18 bajaran, CHP 6 bajaran, AKP 4 bajaran de cinî rêza yewin de mojnayî ra. Endama Komeleyê Piştdayîşê Namzedê Cinî (KA.DER) Nîlgun Karcaoglu tablo şîrove kerde û rexneyê xo ardî ziwan.

	 

	Nîlgune va namzedîyê cinîyan weçînayîşê pêroyî de her wext bîyo problemêke û va partîyê ke cinîyan namzed mojnenê ra îstîsna nê, hema hema norm ê. Nîlgune dîyar kerde ke 5 weçînayîşê peyîn de namzedê cinî yê rêza yewin de ca gênê, hetê hûmare de piştdayîş vînenê.

	 

	Nîlgune da zanayîş ke weçînayîşê 7ê Hezîrana 2015 de dayeyê namzedê cinîyan se ra 26 bi û wexto ke merdim çar partîyê ke kewtî meclîs vînenê tena dayeyê namzedê cinîyan ê HDPî se ra 33 derbaz kerdo û bi HDPî dir vilabîyayîşê krîtîk meydan ra ame wedartiş.

	 

	'Surprîz nîyo'

	 

	Nîlgune dewamê qiseykerdişê xo de bale ante ser hûmara namzedê cinîyan ke weçînayîşê 24ê Hezîrane de bibo û va goreyê camêrdan kêmbîyayîşê namzedê cinîyan newe nîyo û surprîz nîyo û va: "No çîyêke merdimî şaş bikero nîyo. Bi taybet ji KA.DER û sazgehê sey nê reaksîyonê lezgîn yenê pawitiş. KA-DER, sazgehê heqê merdiman û rêxistinê femînîst seba awanbîyayîşê demokrasîyê welatî xeylê girîng ê."

	 

	Nîlgune tewr peyîn bale ante serê rêza cinîyan ê lîste de û dîyar kerde ke lîsteyê weçînayîşî de rêza namzedê cinîyan girîng o.