Serpîl Kemalbay: Cinî do rîyê camêrdan ê mîlîtarîst bivurnê 

2018-05-30 09:22:08


	 

	ÎZMÎR - Namzeda Mintiqaya Yewin ê Îzmîrî yê HDPî Serpîl Kemalbaye dîyar kerde ke do rîyê camêrdan yê mîlîtarîstî sîyaset de bivurnê û statuko zî do bi demokrasî camêrdan bivuryo.

	 

	Yew namzedê HDPî hemsereka HDPî yê verê Serpîl Kemalbay a. Serpîle mintiqaya yewin ê Îzmîrî de rêza yewin de namzed a. Serpîle Erdexan ra ya, pisporê asayîşê kar û weşîya kar a. Serpîle serê serrê 90 de Platformê Piştdayîşê Sosyalîstan (SODAP) de ca gêna.

	 

	Têkoşînêke sînorê aktîf

	 

	Serpîle têkoşînê sinife û cinîyan de zî bi hewayêke aktîf ca gêna û HDP û HDKî de ca gêna. Serpîle dîyar kena ke seba cuya dewe de pîl bîya, nêzdîyê sosyalîzmî ya û va şertê tarî yê faşîzmê 12ê Êlule de ûnîversîte wenda.

	 

	'HDK û HDP nimûneyê vurnayîşê komelî yê'

	 

	Serpîle dewamê qiseykerdişê xo de da zanayîş ke xebata dorê bernameyêke hempar vurnayîşê komelî aver beno û no zî hetê HDP û HDKî de xeylê girîng bi.

	 

	Serpîle wina va: "Tirkîya de vurnayîşê rejîmî seba awankerdişê sîstemê demokratîk hêvîya û seba na hêvîye çin bibo hêrişêke kerdê. 8ê Hezîrane de Tayyîp Erdogan yewin rey heta 4 rojî dima vejya vernîya kamerayan. Plankerdişê ke do nê tablo senîn serobîn bikero. Tena partîya îqtîdarî heme sazbîyayîşê nîjadperestî û şovenîzmî wayîr benê, demokrasîya ke HDPî bi Tirkîya da qezenckerdiş qebûl nêkerd û no semed ra CHPî babeta destnêpirodayîş da va 'hemverê destûrê bingehîn o la ma do vajê belê."

	 

	Serpîle bale ante serê temsîlkarîyê têduştî û va sîstemê hemserekî her wareyê partî de ca ameyo. Heto bîn ra Serpîle da zanayîş ke azadîya cinîyan keye de dest pêkena û bi taybet ma do komelêke azad û demokratîk ya cinîyan, ciwan û bawerîyê ke xo azad hîs kenê awan bikerê.