Ocaxa kirêcî rîskê nêweşîyan zêde kena 

2018-05-30 09:21:11


	 

	MÊRDîN - Qoser de hemverê Ocaxa Kirêcî yê Nuhoglu bi rojan o cinî çalakî kenê û wina vatî: "Ma nêeşkenê serê banî de rakoy. Ma serê siba wirzenê, her ca sîya bîyo. Ma nêeşkenê boye bigîrê." Wezaretê Derûdor û Bajarwanî zî seba jehrî 'delîl' waşt.

	 

	Qoserê Mêrdînî de cinîyê mintiqaya Îstasyonî de cuwîyenê bi rojan o Ocaxa Kirêcê Nuhoglu yê 7 kîlometre qeza ra dûrî ya çalakî kenê. Seba fabrîka fîltre nêxebitneno bi serran o jehrê fabrîka derûdorî vila beno û cinî wazenê ganî fabrîka bêro girewtiş.

	 

	Melez Çelîne va serê siba bi dumnaê sîya şîyar benê û wina va: "Ma wirzenê her ca de duman esto. Ma guna nîyo? Fîltreyan nêxebitnenê. Bi serran o wina yo. Roj bi roje tewr xira beno. Ma êdî acis bîyê. Ez nêweşa şekir û tansîyonî ya. Êdî bes o. Ya wa fabrîka bigîrê ya zî wa fîltre bixebitnê."

	 

	'Wazenê ma bar bikerê'

	 

	Medîne Barane zî reaksîyon mojna fabrîka û wina va: "Ma biroj balqone şutenê. Dimayê saetêke reyna eynî çî beno. Her cayê keyeyê ma beno dumano sîya. Heta 6-7 serran ma do rîşa merdimwere bikoy. Domanê ma bi astim kewtî. Ma her roje şinê nêweşxane. Keyayê taxe va ez nêeşkena çîyêke bikerî. Wezaretê Dade zî seba dumanê jehrî delîl waşt. Ma êdî acis bîyê. Wazenê ma tîya ra bar bikerê."

	 

	Bahar Akkize zî va seba fabrîka dermankerdişê rîşa merdimwere vîneno û va domanê aye bi astim kewtê. Bahare veng da ke ganî çareyêke nê rê bêro vînayîş.