Mamoste Alîye rayîrê meclîsî de ya: Seba têduştîye îmkanê perwerdeyî  de HDP 

2018-05-30 09:20:09


	 

	RIHA - Alîye Kizildamara ke Riha de rêza 5in de HDPî ra namzed a, eynî wextî de mamosteya 18 serran a. Alîye dîyar kerde ke seba têduştîye îmkanê perwerdeyî de do têkoşîn bikero.

	 

	Yew namzeda HDPî ya Rihayî Alîye Kizildamar a û bi serran têkoşînê sendîkal ê Egîtîm Senî de ca girewte, eynî wextî de bi DOKHî dir zî têkoşînê hemverê şîdetê ser cinî bi hewayêke aktîf ca girewte. Alîye ke weçînayîşê 2014 de bî namzeda hemşarîdarîya DBPî, mamosteyî ra îstîfa kerde û beşdarê xebatê sîyasî bî.

	 

	Alîye wina va: "Goreyê mi HDP cayê çareserî yo. HDP sey problemê xo nêzdîyê problemê şaran beno.  Pêşnîyarê çareserî keno. Problem tespît keno û nuktaya çareserî de hewl dano. Mi sey cinîyêke bi taybet no tewr zêde hîs kerd."

	 

	'Domanê kêna têduştîya îmkanî feyde nêgînê'

	 

	Alîye ke 18 serrî mamosteyî kerda va na mintiqa de cinî heqê perwerde û weşî ra feyde nêgînê û keyeyî goreyê domanê lajan, tewr tay îmkan danê domanê kêneyan. Alîye va serrê ke xebityaya nê çî tewr zêde dîya û  va do babeta têduştîya îmkanî berê meclîs û çareserî bi ca bîyarê.

	 

	Alîye qiseykerdişê xo wina dewam kerde: "Babeta perwerdeyê ziwanê maye zaf girîng o. Na babete de bi taybet Riha de problem yenê cuwîyayîş. No wareyê perwerdeyî de zî xo dano dest. Bi taybetî zî heqê weşî de. Warê îstîmlakkerdişî de seba xizmetê bi ziwanê maye bêro dayîş do waştişê ma zaf xurt bo."

	 

	'Ma cinî pêroyîyê komelî yê'

	 

	Alîye da zanayîş ke cinî nîmeyê komelî yê û eynî wextî de netew ê, cinî pêroyîyê komelî yê. Alîye bale ante serê ewnîyayîşê HDPî yê derheqê cinîyan de û va ke ganî heme cinî binê sîwana HDPî de bêrê têhet.