Namzeda Azerî ya HDPî Kiznaz Kurkelî: Ganî cinî piştdayîş bidê HDP 

2018-05-29 09:18:36


	 

	WAN - Kiznaz Turkelî ya ke Îdir de rêza diyîn namzeda HDPî ya, bale ante ser zaf rengî û temsîlkarîyê cinîyan ê HDPî û veng da heme cinîyan ke piştdayîş bidê HDPî.

	 

	Weçînayîşê 24ê Hezîrane rê wextêke kilm mend û HDPî namzedîyê cîya ra xeylê namzedî mojnayî ra. Yew înan ra Kiznaz Turkelîya Azerî ya. Kiznaz Îdir de rêza diyîn de bî namzed. Kiznaze weçînayîşê 7ê Hezîrana 2015 de zî bînî namzed û 1964 de Îdir de ameya dinya. Kiznaza ke cuya aye xeylê xo zozanan de derbaz kerda, serrê peyînan de bi esnafî cuya xo dewam kerda. Kiznaze 1992 de bi sebebê kombîyayîşê karkeran de vilawike vila kerda amîya tepiştiş û 6 aşmî hepisxaneyê Sagmalcilar de menda.

	 

	Bi kulturê Kurdî dir amî têhet

	 

	Kiznaze dîyar kena ke seba kulturê Kurdan nêzdî ra nas kena zaf bi şans a û wina va: "Seba nê mi prosesê weçînayîşî de qet zehmetî nêant. Ez reya diyîn bîya namzed e. Cinîyê Kurdî xeylê mi ra hes kerdî. No semedê mi qezencêke pîl o. Mi embazî û dostanîyê pîlî qezenckerdî.”

	 

	‘Do di namzedî zî vejyê'

	 

	Kiznaze dewamê qiseykerdişê xo de wina va: "Do HDP Îdir de di namzedan zî bigîro. Ez veng dana cinîyan ke HDPî de têkoşîn bikerê. Her kes HDPî de cuwîyayîş vîneno. Xo bi nasnameyê xo îfade kenê. Tu kes nêeşkenê no înkar bikero. Ma veng danê heme kesan ke 24ê Hezîrane de piştdayîş bidê HDPî.”