Stewrî de rengê weçînayîşî: Seba aştî û azadî HDP 

2018-05-29 09:17:14


	 

	MÊRDÎN - Cinîyê Stewrî dîyar kerdî ke do raya xo seba aştî û azadî bidê HDPî û vatî ganî serê sindoqan de wayîrê îradeyê xo vejyê.

	 

	Mêrdîno her weçînayîşî de tewr tay 4 parlamenterî yenê vetiş, xebatê seba weçînayîşê 24ê Hezîrane zî dewam kenê. Mêrdîn de şar binê yew sîwane de yenê têhet û dewê Stewrî de zî tevgerêke pîl yenê cuwîyayîş. Cinîyan dîyar kerdî ke rengê rayanê înan dîyar o.

	 

	Turkan Ertuka ke dewa Barmanî de cuwîyena wina vana: "Ma Kurd ê, ma raya xo danê xo. Ma heta nika zulm dî. Cinîyê ma ameyî qetilkerdiş. Kuçeyan dr ameyî kiştiş. Ma înan xo vîr ra nêkenê û ma çî bînan zî xo vîr ra nêkenê. Ma rastîyanê xo ra nêvejênê. Heta peynî ma do heqê xo bipawê. Ma pey dewaya xo yê."

	 

	'Ma îradeyê xo nêroşenê kesî rê’

	 

	Adliye Aydine nê çî va: "Ma aştî û aramî wazenê. Wa hepsîyê zindanan bêrê veradayîş. Wa gonî nêrişîyo. Ma rayanê xo partîya xo. Çiqas asîmele bikerê zî ma do ziwanê îqtîdarî nêmusnê. Ma do rayanê xo nêroşê."

	 

	'Wa no zulm biqedîyo’

	 

	Hacîre Karataş zî ard ziwan ke wa hepisxaneyî veng bibê û wina va: "Hepsîyê emrê qij de ameyî tewqîfkerdiş, nika pîl bîyê. Ma rayanê xo nêdanê zîhniyetê ke domanê ma girewtê. Wa kes seba çuwalêke komir nêro verê berê ma."

	 

	Azîme Guneşe reaksîyonê xo wina ard ziwan: "Pêwa qirkerdiş û hesirê çiman xo vindî nêkerdo. Bi yew vatişê Rayberê PKKî Abdullah Ocalanî Şarê Kurd seba aştî destê xo derg kerdî. Sebebê şer tecrîd o. Ma do bi rayanê xo tecrîdê serê rayberê xo bişiknê. Ma raya xo bidê îrade û nasnameyê xo.

	 

	Selamet Budake zî bajarokê Ewane ê Stewrî de hemverê ke rayanê xo bidê HDPî û heta peynî dilopê gonîya înan do xo ver bidê.

	 

	Mevlude Budake zî da zanayîş ke aye cuyake bi rumet wazenê û va ganî heme cinî wayîrê îradeyê xo vejyê.

	 

	Şukran Budake zî arde ziwan ke do seba ameyoxê domananê xo HDPî tercîh bikerê.