Hemverê kesê ke sucê şerî kerdî 'HDP' 

2018-05-28 14:40:33


	 

	ÎZMÎR - Cinîyê Îzmîrî xebatê weçînayîşî meşnenê dîyar kerdî ke îqtîdar HDPî rê yanî cinîyan ra terseno û wina vatî: "Hemverê kesê sûcê şer kerdî ma vanê HDP.”

	 

	HDP xebatê xo yê weçînayîşî dewam keno û Îzmîr de zî buroyê weçînayîşî ame akerdiş. Cinîyê rayberîya xebate kenê dîyar kenê ke HDP bi qasê ke partiya cinîyan o hende partiya wijdan û hişî yo zî.

	 

	Fatma Kaygisize arde ziwan ke HDP partiya Tirkiya yo û wina dewam kerde: "Seba cuyake bi rumet ganî her kes rayanê xo bidê HDPî. Tena Kurdî nê gerek heme her het ra seba azadîya xo rayanê xo bidê HDPî. Her kes zano ke no welatî de aramî çin o. HDP yewin partiya Tirkîya ya.”

	 

	‘Anketî rastîyan nêmojnê ra'

	 

	Rahîme Tura zî da zanayîş ke HDP vengê heme kesê bindestan o û wina va: "Her kes goreyê xo anketan virazneno. La xeylê înan rastî nêmojnê ra. Wa her kes wayîrê sindoqan vejyo. Her kes wexto ke raya xo bixebitno wa vernî de xo bifikîrîyo."

	 

	Cinîya bi nameyê Berîvan Alate zî da zanayîş ke aye sey kurdêke raya xo dana HDPî û va AKP seba cinîyan nê, seba berjewendiyê xo ‘faliyetê cinîyan' meşneno. Berîvane dîyar kerde ke HDP hem kurdan û hem zî şaran paweno.

	 

	'Îqtîdar HDP ra terseno'

	 

	Eytan Gulmeze zî da zanayîş ke HDP seba şer biqedîyo sey şansêke yo û wina va: "Serekê ma hepisxane de yo. Çira semedo ke HDPî ra tersenê. Yanî şaran ra tersenê. Ma seba azadî vanê HDP û ma do rayanê xo bidê hedepî.”

	 

	Berfîn Ateşe zî dîyar kerde ke bi hewayêke adîlane de nêşinê weçînayîş û va: "Seba ma baraj derbaz nêkerê hemserek kerdî hepisxane. No zî tersê înan mojneno ra. Qerarê weçînayîşî seba tersî dayê. Rayê HDPî zaf girîng ê.”