Menal Mihemed: Vengê xo bidê Demokrasî û seba îqtîdarê faşîst rê vajê nê  

2018-05-28 13:43:32


	 

	Civîn Husên

	 

	QAMIŞLO - Endama Meclîsê Partîya Yewîya Demokeratîk PYDî Menal Mihemede derheqê weçînayîşê Tirkîya de şîrove kerde û dîyar kerde ke ganî şarê Tirkîya bizanê ke rayanê xo bidê ke, demokrasî rê vajê belê û îqtîdarê faşîst rê vajê nê.

	 

	Sey yeno zanayîş ke 24ê hizêrane Tirkîya do bêro kerdiş. Derheqê na babete de Endama Meclisê Partîya Demokratîk PYDî Menal Mihemede şîrove kerde.

	 

	Menale da zanayîş ke weçînayîşê 24ê Hezîrane de bêrê kerdiş, gerek 2019 de biameyne kerdiş, rewkerdişê wextê weçînayîşê hemverê qanûnî yo û wina va: "Tena rewşê ke dewlete de xeylê problem vejyê, ya zî şar êdî nê sîstemê êdî qebûl bikero weçînayîşê rew yenêkerdiş. La Tirkîya goreyê waştişê Erdoganî wextê weçînayîşan aver ardî. Eke 2019 de ameyne viraştiş, xeylê vurnayîşî sîstem de ameyne viraştiş û nê zî goreyê berjewendiyê erdogan bi."

	 

	'Tirkîya ver bi alozî de şina'

	 

	Menale ard ziwan ke Erdogano ke vatêne ma wextê weçînayîşan nêvurnenê û yê ke bivurno xayîn o, la ey bi xo vurna û Menale wina dewam kerde: "Rewşa nika de no weçînayîş destek bido îqtîdarî Erdogan ke 4 serrê bîn dîktatorîyê xo bimeşnê. Rewşa ekonomî yê Tirkîya ver bi rijnayîşî şino. Eke weçînayîş bimendêne 2019 rewşe zî vuryayne. Nika zî rewşa ekonomî û alozî estê do bandure bikerê."

	 

	'Dagirkerdişê Erdoganî yê Efrînî'

	 

	Menale bale ante serê dagirkerdişê Erdoganî mintiqaya Efrînî û qiseykerdişê xo wina dewam kerde: "Bi heme hewldayîşê xo Erdogan wazeno serkewte bo. Bi dagirkerdişê Efrînê dir waşt ke şarê MHPî û CHPî zî bianco kîşte xo la waştişê ey bi ca nêame. Rêxistinê ke problemê Tirkîya çareser bikerê HDPe yo. Semedo ke hemverê qanûnê nê rast vejya HDP bi. Amancê Erdogan yê bingehîn ke îqtîdarê xo heta 2023 dewam bikero."

	 

	'Dimayê hende qirkerdişî do bi çi rî şêro mintiqaya kurdan'

	 

	Menale qirkerdişê ke Cizîr, Sûr, Amed û  Efrînî ke bi destê Erdogan ameyî kerdiş arde vîr û wina va: "Bi çi rî rayanê kurdan wazenê. Gerek kurdî helwestê xo dîyar bikerê, semedo ke qirkerdişê nînê reynakerdiş. Dagirkerdişê Efrînî de sloganê Erdogan ke ê şerê kurdan nêkenê la şerê PKKî kenê bi. La rastî de şerê kurdan kerdêne, şerê PKKî ya zî partîyêke yê tevgerêke kerdêne. Şerê şarê kurdî kerdêne û herra înan dagir kerd."

	 

	'Reaksîyonê şarî Israîlî wazeno rayanê xo zêde bikerê'

	 

	Menale wina dewam kerde: "Erdogan do her çî bikero seba ke demderg bimano serê îqtîdarî de yo. Bi vatişê problemê ma bi Israîlî esto zî zûrî û kay ê. Wazeno bi nê helwestê xo zî hem bala dinya bianco û hem zî rayanê îslamiyê radîkal bigîro.

	 

	Menale tewr peynî wina va: "Vengdayîşê ma yê peyîn temamê Kurdistanî û Tirkîya rê esto ke demokrasî rê vajê belê û îqtîdarê faşîst rê vajê nê. Her rayêke ma bidê sîstemê faşîst do demokrasî bido û do şar rastê qirkerdiş û nêheqîyan bêro."