
Hîrê neslî Wareyê Şeme de yê: "Hişê qirkerdişî yê Tirkîya 

2018-05-27 09:12:02


	&nbsp;

	Evrîm Kepenek

	&nbsp;

	STENBOL - Hanim Tosun, Besna Tosun û Devrîm Koçe. Hîrê nesil Meydanê Şeme de Fehîm Tosunî geyrenê. Devrîmo ke 4 serre yê xo de beşdarê çalakîya Lîseya Galatasarayî beno, hewl dano ke fam bikero hende merdimî senîn vindî bîyê.

	&nbsp;

	Çalakîya Dayikê Şeme ke bi ‘Kiştoxî dîyar ê vîndîbîyayeyî ça de yê ame destpêkerdiş nika çalakîye 23 serrî ya xo de ya. Her hewte merdimê vindîbîyayeyan verê Lîseya Galatasarayî de fotografê merdimanê xo gênê û bi vatişê ‘Qet nêbo wa gorêke înan bibo. Ma şêrê vilan bidê serê gora înan’ balê ancenê serê xo.

	&nbsp;

	Têkoşîn nesil bi nesil ame neqlkerdiş

	&nbsp;

	Hewteyêke vengê maya Murat Yildizo ke 1995an de tepişnayîş de ame vindîkerdiş, vengê Hanîfe Yildize yena eşnawitiş û vana: "Mi lajê xo bi xo teslîm kerd. Vengê ma bieşnawê. Ez nika tîya lajê xo pers kena, dozgerî cigêrayîş akena. Wa şêrê yê lajê mi vindî kerdê cigêrayîş akerê." Hewteyêke bîn zî vengê Samet Alpsoyo 9 serre ke aqûbetê kalikê xo pers kerdêne, ame eşnawitiş.

	&nbsp;

	Domanê ke no ware de pîl bîyê, bî dayîk û cinîyê no wareyî zî bî dapîr î. Têkoşîn bi 23 serrî yo dewam keno û nesil bi nesil heta ewro ameyo.

	&nbsp;

	Hîrê nesilî ware de yê

	&nbsp;

	Yew keyeyê ke wareyê Şeme de niştî ro keyeyê Tosunî bi. Fehmî Tosuno ke 1995 de Avcilarê Stenbolî de ame tepiştiş û reyke bîn zanayîş ey ra nêame girewtiş. Vernê de cinîya ey Hanime, dima ra kênaya ey Besna û nika zî tornê ey Devrîm ci geyreno.

	&nbsp;

	Besna dîyar kena ke wexto pîyê aye ameyo remnayîş aye 10 serrî bîya û a roje sey nika ana vîrê xo. Besna ya ke ewil bi maya xo dir şîne o warê, nika bi lajê xo Devrîmî dir şîna. Besna dîyar kena ke senîn pîyê aye vindî bîyo maya aye muracatê qerekol û dozgerî kerda û dima ra muracatê ÎHDî kerda û no hewte ta dima beşdarê çalakîye bîya.

	&nbsp;

	Besna dewam de arde ziwan ke aye bi têkoşîn serê lingan de menda û arde ziwan ke înan no ware de zaf çî musay.

	&nbsp;

	Besna tewr peynî dîyar kerde ke aye û maya aye tena nê nika lajê aye Devrîm zî înan dir çalakiya Dayikê Şeme de ca gêno û va wexto ke ewil Devrîmî berda 3 serre bîyo.

	&nbsp;